web counter
LEXO PA REKLAMA!

SHKARKO APP

E fundit!

x

Iu gjetën 300 milionë lekë në shtëpi/ Dalin të tjera detaje për gjykatësin

10 Nëntor 2017, 08:23, Aktualitet CNA

Pas raportimit të mbrëmjes së djeshme nga CityNews.al, se Prokuroria e Krimeve të Rënda ka kontrolluar banesën e gjyqtarit Shkëlqim Miri, ku janë gjetur edhe 300 milionë lekë të vjetra, janë zbuluar të tjera detaje nga kjo ngjarje.

Shkëlqim Miri mësohet se ndodhet nën hetim për korrupsion prej disa muajsh, hetim që ka kulmuar mbrëmjen e djeshme me kontrollin e banesës së tij nga autoritetet, ku edhe u gjet shuma e parave.

Gjykatësi Miri dyshohet se ka marrë 20 mijë euro për të ndryshuar akuzën për një vrasje të ndodhur në Burrel në vitin 1997, në plagosje të rëndë me dashje. Personi për të cilin gjykatësi dyshohet se ka marrë 20 mijë euro për këtë ndryshim akuze është Gentian Doda, i ekstraduar nga SHBA-të në vitin 2012.

Shkëlqim Miri ka qenë anëtar i KLD-së deri në vitin 2012-të, gjyqtar i Apelit në Durrës (para 2010) dhe i përfshirë në “listën e zezë” të kryeministrit Rama. /CityNews





Lajmet e fundit nga