E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Holandë “shpërthen” lufta civile ndërmjet narkotrafikantëve shqiptarë të kokainës

1 Nëntor 2017, 18:50, Aktualitet CNA

Policia holandeze bashkë me xhenjerë të ushtrisë neutralizuan një bandë të strukturuar kriminale narkotrafikantësh shqiptarë. Konkurentët e bandës, që e importojnë kokainën direkt nga Amerika Latine në Shqipëri, informuan në mënyrë anonime policinë holandëze për disa nga banesat e lokalet e përdorura nga konkurentët e tyre në Amsterdam.

Pas këtij informacioni paraprak policia holandeze hetoi për disa muaj derisa të martën në 31 tetor kreu neutralizmin e bandës shqiptare. U kontrolluan 14 ndërtesa të ndryshme sibanesa, garazhe, dyqan autogomash etj. dhe u arrestuan 7 shqiptarë, emrat e të cilëve për arsye hetimore mbahen ende sekret. Të arrestuarit u kapën duke fjetur në shtrat në banesa në Amsterdam dhe Amstelveen, si edhe në një magazinë afër Portit të Rotterdamit.

Në qytezën Amsteldijk in De Pijp u kontrollua një dyqan goma automjetesh në pronësi të shqiptarëve, ku shpesh strehohej kapoja i bandës së narkotrafikantëve shqiptarë. Goditja e policisë holandez u krye në bashkëpunim edhe me homologët italianë, që herë pas here kishin arritur të kapnin korierët e bandës, që sillnin kokainë nga Holanda në Itali. Dyshohet se kjo bandë dhe disa të tjera kanë ?punësuar? në trafikimin e kokainës rreth 100 shqiptarë, shumica pa leje qëndrimi në Holandë.

Polica në këtë godijte kapi tre amrë zjarri (2 pistoleta Tokarev, por kopje kineze Mod. 54 si edhe njëautomatik tip AKM). U gjet edhe një granatëdifensive, e cila u caktivizua nga xhenjerët holandezë.

U sekuestruan thuajse 40 kile kokainë e pastër. Në disa nga banesat dhe automjetet në shërbim të grupit kriminal u gjetën vende sekrete të mirë maskuara për fshehje droge, armësh etj.

Për komunikim narkotrafrikantët përdornin telefona të markës Blackberry të pajisur me softe kriptuese. Besohet se kjo organizatë ka ndihmën e specialistëve (ish policë, ish ushtarakë apo pesonel të shërbimeve sekrete shqiptare), që u mësonin si t?i ruheshin mbikqyrjes së policisë, përfshirë edhe mbikqyrjen elektronike. Banda kishte e dhe skanera për të monitoruar radiot e policisë holandeze.

Po ashtu këta specilaistë u kishin sugjeruar trafikantëve martesën legale me femra (ish prostituta rumune), për të pasur të drejtën e banimit ligjërisht në Holandë. Policia holandeze po heton intensivisht për të zbuluar trutrin (specilistin) e kësaj bande si edhe referentin e bandës në eshalonët e lartë të politikës së Tiranës.

Gjyqësori holandez ka frikë se fitimet marramendëse nga kokaina po investohen nga shqiptarët në blerje banesash si edhe aktivitetesh tregtare si bare, restorante, pabe, dhe hotele të vegjël.

Goditja e bandës u krye në 31 tetor edhe për t?i dhënë mundësi kryebashkiakut të Rotterdamit, që viziton Tiranën në datat 2-6 nëntor, që në kontaktet me autoritet shqiptare ta sjellë si shmbull këtë bandë për t?u shpjeguar atyre rrezikun, që kërcënon Holandën nga krimi i organizuar shqiptar.

Goditja e kësaj bande narkotrafikantësh shqiptarëështë pasqyruar gjerësisht në mediat holandeze. Për lexuesit, që dëshirojnë më shumë info po ofrojmë linket e disa prej shkrimeve në mediat holandeze. /Gjergji THANASI