Aksioni politik / Patozi rrëfen çfarë do të bënte ndryshe nga Lulzim Basha

1 Nëntor 2017, 19:48, Aktualitet CNA

?Unë nuk do ta ndaja tryezën e opozitës me askënd?, – këto ishin fjalët e ish-nënkryetarit të Partisë Demokratike, tashmë një nga zërat kritikë më të fortë ndaj Lulzim Bashës.

Gjatë një interviste të dhënë në televizionin ?Fax News?, Astrit Patozi iu përgjigj interesit të gazetarëve, se çfarë do të bënte ai ndryshe nga Lulzim Basha nëse do të ishte në krye të PD-së.

?Unë nuk do ta ndaja tryezën e opozitës me askënd tjetër, Shqipëria është në një situatë dramatike për shkak të korrupsionit, edhe akuza për trafikun e drogës është korrupsion, po ashtu me tenderat, koncesionet madje edhe vendi i punës. Trafiku i drogës është një lloj korrupsioni, pasi qeveria e lejoi, dhe ndante lekët me trafikantët. Kur them qeveria e kam fjalën si për ministrat, drejtorët, policët etj., që ndanin lekët.?- u shpreh Patozi.

Ai shtoi më tej: ?Nëse do isha unë kryetar, do të dilja e të vihesha në ballë të një fronti, kundër qeverisë dhe nuk do ta ndaja. Nëse Basha do që t’i prijë kësaj beteje, shqiptarët do t’i bashkohen?.

Sipas tij kjo nuk po ndodh sepse, ?Basha nuk është i bindur as vetë se nëse do të vijë në pushtet nuk do të bëjë të njëjtën gjë. Opozita duhet të bëjë diferencën me kundërshtarin, sepse po nuk e bëre atëherë qytetarët e kanë më të lehtë të zgjedhin qeverinë?.

Patozi u shpreh se: ?Nuk mund të bëhej marrëveshja e 18 majit, sepse votat u blenë pas një shkelje syri pas marrëveshjes?.

Patozi tha se ndarja e tryezës së opozitës nuk duhet të ndodhte, pasi qytetarët nuk mund të pranojnë që një force politike të ndryshojë disa here brenda 4 muajsh.

?Para dy vjetësh unë kam qenë në Vorë i deleguar i PD-së, kam pasur përballë banda reale të LSI-së. Nuk them se pse ato ishin bandat e LSI-së, kjo është e inkriminuar, por shqiptarët nuk mund të pranojnë se kjo forcë të shfaqej me disa fytyra të ndryshme në 4 muaj.

Një herë Ilir Metës i kërkohej të bashkoheshin kundër Ramës, pra kur PD-ja ishte në çadër, pastaj gjatë fushatës të bëhet shushunjë.

Pastaj kur ende nuk është mbyllur debati i zgjedhjeve, bëjmë kompromis me LSI-në?, – tha Rama.

Sipas tij, problem i në Shqipëri nuk zgjidhet as me eliminimin e trafikut të drogës, pasi qeveria është e tëra e korruptuar. /CityNews