web counter
LEXO PA REKLAMA!

SHKARKO APP

App Store
Google Play

Të besosh se mund të ketë drejtësi të pavarur duhet të jesh o miop, o i paaftë ose i blerë

30 Tetor 2017, 18:40, Aktualitet CNA

Analisti Fatos Lubonja, i ftuar në studion e televizionit News24, ka komentuar situatën aktuale dhe Reformën në Drejtësi.

Sipas Lubonjës, nuk ka shanse për një Reformë të mirëfilltë në drejtësi në vendin tonë, ndërsa shtoi se kjo ndodh për shkak të mungesës së vullnetit politik.

?Pa një vullnet politik për drejtësi të pavarur që qëndron jashtë të gjitha forcave politike nuk mund të ketë. Vullneti politik lexohet qartas, i Edi Ramës në këtë rast. U pa qartas në ngjarjen e Tahirit. Duhet të paktën t?ia kishte lënë 48 orë prokurorisë Tahirin. Tani janë lëshuar në një fushatë të jashtëzakonshme kundër mediave, që janë një institucion që duhet të jenë të pavarur. I quan kazan sepse kanë informuar, biles me mungesa do të thosha unë, për ngjarjen e Tahirit.?, – tha Lubonja.

Ai ka shpërthyer ndaj ndërkombëtarëve, teksa shprehet se ndihet i zhgënjyer nga ambasadorët të cilët flsin për Vetingun, por kanë lënë pas dore realitetin dhe gjërat që duken sheshit.

?Pra, kemi një sulm ndaj institucioneve të pavarura, ndaj prokurorisë?atëherë si mund të jemi një proces vettingu. Nuk besoj se vettingu do të sjellë drejtësi. Mund të lë një takim me të gjithë ata që besojnë tek vettingu pas një viti për të biseduar, nëse do kemi kohë me gjithë këto që po zbulohen. Kështu që nuk kam besim. Ngelem më skeptik dhe akoma më i zhgënjyer me ambasadorët që tundin flamurin e vettingut dhe nuk flasin për gjërat që duken sheshit. Të mos shohësh që s?ka shans të ketë drejtësi të pavarur me këtë situatë duhet të jesh o miop, o i paaftë ose i blerë?, -theksoi analisti Lubonja. /CityNews





Lajmet e fundit nga