web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet lokale në Maqedoni/ E bujëshme fitorja e partive shqiptare

30 Tetor 2017, 16:26, Aktualitet CNA

Pas dy raundesh të zgjedhjeve lokale në Maqedoni LSDM, do të udhëheqë në Shkup dhe 56 komuna, BDI në 10 komuna, VMRO-DPMNE në pesë, Aleanca për Shqiptarët në tre, ndërsa partitë BESA, PDSH dhe PDT përkatësisht në nga një komunë, ndërsa kandidatët e propozuar prej grupeve të votuesve në tre komuna.

Përveç në Shkup, LSDM dhe koalicioni në raundin e parë të zgjedhjeve më 15 tetor fituan në 37 komuna: Qendër, Gjorçe Petrov, Karposh, Aerodrom, Haraçinë, Berovë, Manastir, Bogdanc, Bosillovë, Vallandovë, Vasilevë, Vevçan, Veles, Gjevgjeli, Debarcë, Dellçevë, Demir Hisar, Dojran, Zelenikovë, Konçe, Koçan, Kratovë, Kriva Pallankë, Krivogashtan, Krushevë, Kumanovë, Lozovë, Mavrovë Rostushe, Negotinë, Novosellë, Ohër, Pehçevë, Prilep, Radovish, Resnjë, Shën Nikollë dhe Strumicë.

Në raundin e dytë të zgjedhjeve LSDM fitoi kryetarë edhe në 19 komuna: Butel, Gazi Babë, Kisella Vodë, Vinicë, Gradsko, Demir Kapi, Jagunovc, Karbinc, Makedonski Brod, Makedonska Kamenicë, Mogillë, Novaci, Probishtip, Rosoman, Nagoriçan i Vjetër, Çashkë, Çeshinovë Obleshevë, Shtip dhe Shuto Orizare.

Aleanca për Shqiptarët i fitoi gjithsej tre mandate për kryetarë komunash, të gjitha në raundin e dytë dhe do t?i drejtojë komunat Bogovinë, Vrapçisht dhe Gostivar, njofton Ina.

BESA fitoi në Zhelinë, PDSH në Studeniçan, Partia Demokratike e Turqve në Qendrën e Zhupës, ndërsa kandidatët të cilët u propozuan nga një grup votuesish do t?i udhëheqin komunat Rankovc, Çuçer Sandevë dhe Bërvenicë.

BDI fitoi gjithsej 10 komuna nga të cilat në raundin e parë zgjedhor fitoi mandate për kryetarë komunash në Kërçovë dhe në Pllasnicë, ndërsa në raundin e dytë edhe në Çair, Tetovë, Saraj, Dibër, Dollnen, Likovë, Tearcë dhe Strugë.

VMRO-DPMNE në raundin e parë fitoi në Ilinden, Petrovec dhe Sopishte, ndërsa në të dytin në Zërnovc dhe Kavadar.

Nga analistët vendas fitorja e partive shqiptare në këto zgjedhje mund të konsiderohet e bujëshme pasi për të parën herë ato do të administrojnë një numër të tillë komunash. /CityNews





Lajmet e fundit nga