web counter
LEXO PA REKLAMA!

SHKARKO APP

App Store
Google Play

Serbia e shqetësuar për praninë e SHBA në dialogun me Kosovën

28 Tetor 2017, 18:17, Aktualitet CNA

Deklarimet e presidentit të Kosovës, Hashim Thaçi, por edhe kryeministrit, Ramush Haradinaj, se duan përfshirje të drejtpërdrejtë të Shteteve të Bashkuara të Amerikës në dialogun në Bruksel mes Kosovës e Serbisë janë parë me shqetësim në Serbi.

Kjo pasi serbët nuk do të donin në tryezë një palë që perceptohet se është në favor të Kosovës dhe kosovarëve.

Gazeta  ?Vecernje Novosti? e Serbisë e sjellë në shqip nga ?Zeri.info? shkruan se ka bërë një temë rreth kësaj çështjeje dhe mundësisë që amerikanët të bëhen pjesë direkte e tavolinës ku diskutohet normalizimi i raporteve mes Kosovës e Serbisë në Bruksel.

E pyetur për këtë çështje, nga kjo gazetë, Maja Kocijançiq, zëdhënësja e përfaqësuese së lartë të BE-së, Federica Mogherini, nuk është përgjigjur direkt në pyetje, përveç se ka thënë se edhe në të kaluarën BE ka bashkëpunuar ngushtë me SHBA-të.

?BE punon shumë ngushtë me Amerikën rreth Ballkanit Perëndimor. Puna në dialog për të normalizuar marrëdhëniet midis Beogradit dhe Prishtinës është në progres. Të dyja palët kanë konfirmuar vazhdimisht angazhimin e tyre të fuqishëm për vazhdimin e bisedimeve dhe zbatimin e të gjitha marrëveshjeve?, ka thënë Kocijançiq.

Sipas saj, data për takimin e ardhshëm të nivelit të lartë ende nuk është përcaktuar, por ?formati dhe temat e dialogut përcaktohen nga të dy palët?.

Në Serbi ka zëra që nëse SHBA do të përfshihej në dialog, atëherë njëjtë duhet të ndodhë edhe me Rusinë dhe edhe ky shtet, partner i Serbisë, të marrë pjesë në tavolinën e bisedimeve.





Lajmet e fundit nga