web counter
LEXO PA REKLAMA!

SHKARKO APP

E fundit!

x

Nesër raundi i dytë i zgjedhjeve lokale në Maqedoni

28 Tetor 2017, 17:27, Aktualitet CNA

Maqedonia zhvillon nesër raundin e dytë të zgjedhjeve lokale që do të zhvillohet në 35 komuna, në 1 517 qendra votimi, ku të drejtë vote kanë 833 710 qytetarë.

Një ditë para zgjedhjeve, të drejtën e tyre për votim mund ta realizojnë të burgosurit dhe ata në paraburgim, personat e zhvendosur brenda vendit si dhe të sëmurët, të cilët e kanë kërkuar këtë në komisionet komunale zgjedhore.

Votimi fillon në orën lokale 07:00 dhe zgjat deri në orën 19:00.

Ndërkohë kujtojmë që raundi i parë i zgjedhjeve u mbajt më 15 tetor kur u zgjodhën kryetari i bashkisë i qytetit të Shkupit, kryetarët në 45 komuna dhe këshillat në qytetin e Shkupit dhe në të gjitha komunat.

Këto janë zgjedhjet e gjashta lokale në Maqedoni, ndërkohë që të parat u zhvilluan në vitin 1990. /CityNews

 





Lajmet e fundit nga