web counter
LEXO PA REKLAMA!

SHKARKO APP

App Store
Google Play

E fundit!

x

Hoyt Brian Yee ambasadori i SHBA-së në Maqedoni

28 Tetor 2017, 17:34, Aktualitet CNA

Zëvendës Ndihmës Sekretari Amerikan i Shtetit për Evropën dhe Euro-Azinë Hoyt Brian Yee, i njohur dhe si ?Buldozeri? do të jetë ambasadori i ardhshëm amerikan në Maqedoni. Lajmin e bëjnë të ditur burime konfidenciale zyrtare nga Shkupi, të cituara nga mediat vendase dhe ato kosovare, të cilat raportojnë se diplomati i karrierës Hoyt Brian Yee, që prej 20 janarit kur Viktoria Nuland u largua nga detyra e saj, u ngarkua përkohësisht me funksionet e Ndihmës Sekretarit.

Gjatë kësaj periudhe, Zoti Yee ka luajtur rol të rëndësishëm në Ballkanin Perëndimor, veçanërisht në zgjidhjen e krizave politike në rajon, që kulmuan në muajin maj, citon ?exit.al?, duke vijuar: Brenda 24 orëve, ngërçi politik në Maqedoni u zgjidh përmes vendosjes së qeverisë së re të Zoran Zaev, në Shqipëri përmes marrëveshjes MacAllister +, e në Kosovë përmes zgjedhjeve të parakohshme parlamentare.

Edhe pas këtij suksesi diplomatik, Yee vazhdoi të spikasë në politikën e Ballkanit Perëndimor, duke deklaruar pak ditë më parë se e vërteta rreth skandalit të përgjimit në Maqedoni, që solli rënien e qeverisë së Gruevskit dhe çështja e ish-ministrit Tahiri-Habilaj në Shqipëri duhet të zbardhet plotësisht. Ditët e fundit ai vizitoi Beogradin dhe Prishtinën, me shpresën e vazhdimit të dialogut mes Kosovës dhe Serbisë.





Lajmet e fundit nga