web counter
LEXO PA REKLAMA!

SHKARKO APP

App Store
Google Play

Shkatërrohet grupi i drogës/ Në pranga tre persona

27 Tetor 2017, 08:23, Aktualitet CNA

Policia e Durrësit ka finalizuar me sukses dy operaciona natidrogë, në kuadër të të cilëve është bërë i mundur arrestimi i tre personave si dhe është proceduar penalisht në gjendje të lirë një person.

Drejtori i Drejtorisë Vendore të Policisë Durrës, Alfred Çepe, tha para mediave se në vijim të punës për parandalimin dhe goditjen e rasteve te prodhimit dhe shitjes së lëndëve narkotike, nga Strukturat e Drejtorisë Vendore të Policisë Durrës janë finalizuar dy operacione antidrogë të koduara ?Vazhdimësia? dhe ?Mafsheq?.

Policia njoftoi sot se në kuadër të këtyre operacioneve gjithashtu janë sekuestruar lëndë narkotike, peshore elektrike, aparate celularë si dhe vlera monetare.

Në kuadër të operacionit ?Vazhdimësia?, mësohet se policia ka arrestuar shtetasit Nderim Mona, 52 vjeç, Arjan Abdyli 20 vjeç si dhe është proceduar në gjendje të lirë shtetasja me inicialet E. R. 22 vjeç.

Në këtë operacion policia ka sekuestruar 117 gr lëndë narkotike e dyshuar e llojit heroinë si dhe 18 doza të tjera lëndë narkotike, një peshore, 11 aparate celularë si dhe një shumë prej 400 mijë lekësh.

Gjithashtu në operacionin anti-cannabis i koduar ?Mafsheq?,  është arrestuar në flagrancë shtetasi: Lik Kabili 64 vjeç, banues në Krujë.
Gjatë kontrollit të ushtruar në banesën e shtetasit Lik Kabili dhe territorin përreth banesës së tij, Policia ka gjetur dhe sekuestruar në cilësinë e provës materiale:
? rreth 22 kg e 450 gr lëndë narkotike e dyshuar e llojit Cannabis Sativa, e ndarë në 5 thasë.
Në bashkëpunim me Prokurorinë po vijojnë hetimet për zbulimin e autorëve të tjerë të implikuar në këtë veprimtari kriminale./ CityNews





Lajmet e fundit nga