E fundit!

08:30 Aktualitet

Deputeti i PD ngre zërin për Mirditën: Një trevë me histori nuk mund të fshihet, mos guxoni ta prekni

Deputeti i PD, Gjin Gjoni, ka reaguar pas publikimit të la...

Kastriot Dervishi për komunizmin: Në mungesë të mishit në Elbasan hahej edhe qen e mace

27 Tetor 2017, 18:14, Aktualitet CNA

Historiani Kastriot Dervishi, ka vijuar me publikimin e të dhënave dhe dokumenteve të kohës së diktaturës.

Me anë të një postimi në rrjetet sociale, Dervishi ka publikuar tollonin e kategorisë “F”, për ata që punonin në fshat, të cilët nuk kishin më shumë se 2 kg mish në vit.

“Siç edhe dihet, regjimi komunist i fukarallëkut, urisë dhe mizerjes, me triska e nisi dhe me triska e bitisi sundimin e tij. Asnjë blerës nuk mund të siguronte mallin pa paraqitur tollonin, të cilën e merrte në këshillin popullor të lagjes pasi ishte hetuar mirë e mirë e kaluara e tij.

Kjo është triska e kategorisë “F”, për ata që punonin në fshat, por jo për fshatarët e kooperativave, të cilët nuk e gëzonin të drejtën e tollonit. Siç edhe mund të shihet, sheqeri, sapuni, vajguri dhe madje edhe kripa ishin tejet të racionuara. Nga mungesa e sapunit, shqiptarët kishin edhe probleme higjiene.
Një familje fshatari merrte në atë kohë 2 kg mish në vit, një rekord historik ky që nuk ka pushtues që ia ka vendosur shqiptarit”, – shkruan Dervishi.

Por kjo nuk është më e keqja, pasi tolloni për qumësht e kos shpesh herë nuk kishte.

“Kur regjimi hyri në fazën e fundit të lajthitjes së tij që e çoi në shkërmoqje ishin të racionuara dhe me tollon: mishi, sallami, djathi, veza, orizi, fasulja, kafeja, veza, etj. Për qumështin e kosin nuk paraqitej tollon, pasi tregu nuk furnizohej rregullisht”, – – raporton Dervishi.

Por kjo nuk mbetet me kaq, pasi më e keqja ndodh në Elbasan sipas Dervishit, kur nuk kishte mish. Në nevojë për mish janë ngrënë edhe qeni dhe macja.

“Tolloni jepej për një muaj. Zakonisht në rastin më të mirë, një familje me 4 persona merrte 2 kg mish, 30 kokrra vezë dhe 2 kg djathë.
“Njeriu i ri” i socializmit u shpërfytyrua aq shumë saqë në vitin 1985 nga nevoja për mish, p.sh. në Elbasan janë ngrënë edhe qen e mace. As në kushte lufte e urie shqiptari nuk ka ngrënë qen e mace.”, – mbyll Dervishi. /CityNews