Denoncimi i BOOM / Farsa me aftësinë për punë, mushkëritë ‘top’ pa bërë skopi fare

27 Tetor 2017, 17:41, Aktualitet CNA

Qeveria ?Rama 2? është angazhuar në shmangien e burokracive me dokumentat. Emisioni ?BOOM? denoncoi mbrëmjen e sotme burokracitë me marrjen e vërtetimit të aftësisë për punë, ku punonjësit duhet ta rinovojnë çdo tre muaj. Por ajo çfarë e bën këtë dokument fals është fakti se ti pajisesh me të gjithë përgjigjet e analizave ku shumica prej tyre nuk kryhen fare, si rasti i skopisë psh.

Në fletoren zyrtare nr. 171, Datë 15.09.2016 u publikua vendimi nr. 639, datë 7.9.2016 për përcaktimin e rregullave, të procedurave e të llojeve të testeve ekzaminuese mjekësore, që do të kryhen në varësi të punës së punëmarrësit, si dhe të mënyrës së funksionimit të shërbimit mjekësor në punë.

Në disa pika të këtij vendimi thuhet: Për të siguruar kontrollin shëndetësor në punë të punëmarrësve, punëdhënësi:

a) punëson punëmarrësit e tij bazuar në raportin e lëshuar nga komisioni mjekoligjor pranë çdo qendre shëndetësore, i cili dorëzohet vetëm në momentin e fillimit të punës.

ç) ?Raport i kontrollit shëndetësor në punë?, është dokumenti që tregon nëse një punëmarrës është i aftë apo jo fizikisht dhe mendërisht për të kryer çdo punë të veçantë, në bazë të ekzaminimit të shëndetit në punë.

Raporti mjekoligjor për vërtetimin e aftësisë në punë të punëmarrësit dorëzohet në momentin e punësimit dhe ka një vlefshmëri 3-mujore nga data e lëshimit të tij.

Dhe thonë pastaj kanë marrë fund burokracitë.Për të marrë këtë vërtetim duhet që të marrësh në bazë të profesionit disa rekomandime te mjeku i familjes dhe të kryesh më parë disa vizita apo edhe shërbime të tjera mjekësore, një prej të cilave është dhe skopia, kontrolli i mushkërive.

Këtë bashkë me disa analiza të tjera ua kërkonin këtë fillim viti të gjithë mësuesve. Skopia bëhej thjesht me një pyetje. Ndjen ndonjë shqetësim, pyeste mjekja. Jo, thoshte pacienti. Mirupafshim, u bë skopia.

Mësuesve përveç skopisë i kishin kërkuar dhe vizitë te dermatologu, te okulisti, te mjeku i ORL-së për veshët dhe pastaj me të gjitha këto letra duhet të dalësh në komision dhe të marrësh atë vërtetimin që je i aftë për punë.

Pra, një farsë e vërtetë. Një burokraci letrash, nga e cila më së paku, nuk kontrollohesh realisht.

Skopia, dokumenti plotësohet formalisht

Gazetarja:..?. ??.., mësuese profesioni, nëqoftëse të duhet. Na i kërkojnë te puna për aftësi në punë.

Infermierja: E di, e di, e kuptova.

Gazetarja: Kërkojnë që të bëj këtë, që të marr atë vërtetimin pastaj që jam e aftë për punë.

Infermierja: Vërtetimin me tre vula.

Gazetarja:Po.

Infermierja: Bëhet te lagjia jote.

Infermierja plotëson përgjigjen e skopisë

Infermierja: Të gjej unë doktoreshën tani?

Doktoresha: Çfarë kanë këta?

Infermierja: Kjo është mësuese e ka për punë, kurse zotëria nuk e di.

Doktoresha: ??? ndonjë shqetësim?

Gazetarja: Jo, jo.

Doktoresha: Ndonjë të sëmurë në familje që vuan nga mushkëritë?

Gazetarja: Jo,jo.

Doktoresha vulos dokumentin pa e bërë skopinë.

Doktoresha: Vëri vulën te dera.

Gazetarja: Mbaruam punë domethënë?

Infermierja: Po.

Gazetarja: Ok, faleminderit.

Gazetarja: Doktoresha mbaruam besoj ë?

Doktoresha: Po.

Gazetarja: Faleminderit.

Gazetarja: Faleminderit. Edhe s`bëmë gjë, se të kishim bërë ndonjë skopi do ishte mirë , po?Është skopia këtu?

Punonjësja e Dispancerisë: Thuaj doktoreshës, nëse do ta bësh , thuaji.

Kryeinfermierja thotë është përgjegjësi e mjekes

Në lidhje me procedurën formale që bëhet për plotësimin e dokumentit për skopinë shkruhet asnjë aktiv pulmonar, edhe pse skopia nuk u bë.

Nga njëra anë Kryeinfermierja thotë që kjo është përgjegjësi e mjekes, kurse mjekja thotë se kjo nuk është taksative.

Gazetarja: Meqenëse je kryeinfermiere dhe mund të më japësh ndoshta një sqarim. Këto rekomandimet që jepen nga mjekët e familjes përgjithësisht për profesionistët, për ata që janë në punë. Për shembull: Je mësuese dhe thotë ai duhet të bësh një skopi, duhet të bësh një vizitë te dermatologu, një vizitë te mjeku i syve , i veshëve etj.

Kryeinfermierja: Po, mjeku i familjes.

Gazetarja: Po, këto rekomandime i jep mjeku i familjes. Ndërkohë që pjesa e skopisë bëhet këtu tek ju, apo jo?

Kryeinfermierja: Po.

Gazetarja: Bëhet realisht skopia?

Kryeinfermierja: Sigurisht që bëhet.

Gazetarja: Ju keni një aparaturë skopie?

Kryeinfermierja: Sigurisht që është, është aparati dhe grafia. Skopia dhe grafia të dyja janë.

Gazetarja: Tani problemi është këtu që një pjesë e mirë e atyre që vijnë këtu, thjesht i mbushet letra dhe ikin.

Kryeinfermierja: E di mjeku atë, s`di kryeinfermierja. Se kryeinfermierja nuk është në dhomë me mjekun se ç`bën mjeku kur bëhet vizita.

Gazetarja: Po pse ndodh kështu?

Kryeinfermierja: Kur të vijë drejtoresha mund ta pyesësh. Ajo është pjesë e mjekut që bën vizitat.

Nga ana tjetër mjekja nënvizon se bërja e skopisë nuk është kusht

Mjekja: Neqoftëse ka letër nga mjeku i familjes e gjykojmë ne, se ne prandaj jemi specialistë.

Gazetarja: Po nëse rekomandimi është të bëhet skopi, duhet bërë skopi në aparaturë?

Mjekja: Jo, s`është e thënë gjithmonë. Nuk është kusht kjo.Kur ka operacion do bëhet gjithmonë për shembull.

Gazetarja: Jo, unë e kam fjalën specifikisht për këto që vijnë dhe kërkojnë për letrat e punës, për të nxjerrë në komision aftësinë për punë, për të marrë një vërtetim me tre vula.

Mjekja: Ne i pyesim, i bëjmë dhe skopinë.

Gazetarja: Pra bëhet dhe skopia në çdo rast?

Mjekja: Po varet, se nëse ti e viziton, nuk ka asnjë shqetësim, nuk ka ndonjë gjë, ajo është një gjë rutinë, ajo është rrezatim.

Gazetarja: E kuptova.

Mjekja: Unë nuk kam asnjë lloj pajisje që të hyj në rrezatim. Më kupton?

/Oranews.tv/