web counter
LEXO PA REKLAMA!

SHKARKO APP

App Store
Google Play

Ndërkombëtarët shqetësohen për ecurinë e procesit të vetingut

20 Tetor 2017, 10:36, Aktualitet CNA

Ndërkombëtarët kanë nisur të shqetësohen sa i takon ecurisë së procesit të vetingut.

Puna duhej të kishte nisur javë më parë por komisionet nuk janë ende gati.

Në vendin tone kanë mberritur 8 ekspertë të Operacionit Ndëkombëtar  të Monitorimit të cilat janë vënë në Lëvizje që procesi të ecë sa më shpejt.

Gazeta Sot shkruan se gjatë javëve të fundit ata kanë qenë aktiv në të gjithë institucionet përgjegjëse për zbatimin e vetingut.

Gjithashtu ekspertët kanë zhvilluar takime me përfaqësues të KLD dhe të prokurorisë të ILDKP, DSIK dhe Drejtorisë së Pastrimit të Parave.

Palët kanë rënë dakord për të rritur bashkëpunimin, ndërsa mësohet se ONM ka kërkuar të dhëna mbi ecurinë e punës të çdo institucioni.

OMN po mbikqyr të gjitha institucionet me qëllim shmangien e çdo lloj ndikimi politik apo nga vetë gjyqtarët dhe prokurorët  të cilët mund të ndërhyjnë në proces.

Ekspertët janë duke mbledhur të dhëna për krerët e  intitucioneve me qëllim që ti venë para punët.

Ata do të kryejnë verifikimet jashtë vendit për çdo individ, gjithashtu  është kërkuar që të gjitha institucionet të nxitojnë më verifikimin pasi janë mbrapa.

Në të njëjtën kohë janë angazhuar dhe Komisioni i Kualifikimit dhe Kolegji i Apelimit.

Pritet që në muajin nëntor gjithçka të fillojë dhe  ndërkombëtarët  do të jenë gardianët e procesit, të cilët do të sigurohen që gjiithçka të ece sipas ligjit.





Lajmet e fundit nga