web counter
LEXO PA REKLAMA!

SHKARKO APP

App Store
Google Play

Përmbytet Italia nga droga ”Made in Albania”

20 Tetor 2017, 09:16, Aktualitet CNA

Përvec  kapjes së nja 20 kuintalëve kanabis e ca kileve hashash të ngurtë e të lëngët në afërsi të Portit të Ravenës në 18-19 tetor u realizuan kapje të tjera droge të ardhura nga Shqipëria me korrierë shqiptarë e italianë në të katër anët e Italisë.

Në qytetin e Imolaës policia arrestoi dy shqiptarë 24 dhe 25 vjec si edhe të dashurën italiane 26 vjecare të njerit prej tyre, për trafik droge. Shqiptarve dhe italianes ju kapën 32 Kg. kanabis si edhe 6 telefona celularë. Droga e mbërritur në Imola ishte pjesë e një sasie të madhe kanabisi të ardhur me rrugë detare nga Gjiri i Lalzit në Bregdetin e Molises. Të tre korrierët pas arrestimit u dërguan në Burgun e Bolonjës.

San Salvo

Në qytezën San Salvo të Rajonit të Abrucos karabinierët arrestuan shqiptarin B.A. 34 vjecar të akuzuar si korrier droge. Atij ju sekuestruan 3 Kg. heroinë e ardhur nga Shqipëria, 100 gramë kokainë, një peshore precizioni si edhe 7 500 euro kesh të dyshuara si të prejardhura nga shpërndarja e drogës. Pas arrestimit ai u dërgua në Burgun Torre Sinello në qytetin e Vastos.

Liqeni i Gardës

Karabinierët arrestuan një shqiptar 34 vjecar dhe bashkëjetuesen e tij 25 vjecare nga Bregu i Fildishtë me akuzën e shpërndarjes së drogës. Ciftit afrikano-shqiptar gjatë kontrollit të banesës më datë 18 tetor ju kapën 45 gramë kokainë dhe 750 euro të dyshuara si të fituara nga shitja e drogës. Ndërsa karabinierët kontrollonin banesën, në apartament hyri një tjetër shqiptar 21 vjecar. Gjatë kontrollit të banesës së 21 vjecarit u kapën disa gramë kokainë dhe hashash. Cifti afrikano-shqiptar përfundoi në burg, ndërsa për të riun shqiptar vazhdon ndjekja penale në gjendje të lirë./CityNews

Gjergj Thanasi





Lajmet e fundit nga