web counter
LEXO PA REKLAMA!

SHKARKO APP

App Store
Google Play

E fundit!

x

Rama: Gjykata Kushtetuese, institucioni ku mund të hyhet pa turp

20 Tetor 2017, 07:51, Aktualitet CNA

Kryeministri Edi Rama ishte i pranishëm mëngjesin e sotëm në aktivitetin për 25 vjetiorin e themelimit të Gjykatës Kushtetuese.

Në fjalën e tij kryeministri Rama u shpreh se Gjykata Kushtetuese është një nga institucionet më të rëndësishme për rendin kushtetues.

Rama gjithashtu tha se Gjykata Kushtetuese është institucioni ku mund të hyhet me kokën lart dhe pa turp.

?Pas një historie 50-vjeçare shkeljesh flagrante e sistemike të të drejtave të njeriut, ndryshimet demokratike sollën një ndryshim të madh. Në kuadër të këtyre ndryshimeve u krijuar edhe Gjykata Kushtetuese, një nga institucionet më të rëndësishme për garantimin e rendit kushtetues në Shqipëri. Gjatë veprimtarisë së saj që nga krijimi më 1992, Gjykata Kushtetuese është përballur me një sfidë të pazakonshme në vakumin e plotë të traditës, dhe përballë mijëra çështjesh të natyrave dhe përmbajtjeve të ndryshe, duke krijuar vit pas viti një traditë të pasur.

Vend për kritika me siguri mund të ketë, dhe ka, por nëse ka një institucion të gjyqësorit shqiptar ku sot mund të hyhet pa të ardhur turp, është pikërisht Gjykata Kushtetuese. Nisur nga fakti se në një kohë të shkurtër kjo gjykatë ka qenë e detyruar të merrej me vendime shumë të rëndësishme, e vërteta është se ky organ është përpjekur të shfaqet i paanshëm në gjykimet e dhëna, dhe i ka siguruar imazhit të vet një pamje të besueshme në sytë e të gjithëve?, tha kryeministri Rama./ CityNews





Lajmet e fundit nga