E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

A po burgoset Saimir Tahiri me urdhërin e Ilir Metës?

20 Tetor 2017, 08:25, Aktualitet CNA

Një dosje për trafik droge drejt Italisë është duke u hetuar nga drejtësia italiane, konkretisht nga Prokuroria e Katanies. Në këtë hetim të prokurorëve italianë janë përfshirë përgjime dhe investigime, ku sipas një raporti të plotë përmendet dhe ish-ministri i Brendshëm, Saimir Tahiri.

Me publikimin e dosjes dhe përgjimet në Shqipëri ka pasur një reagim mjaft të ashpër nga opinioni publik dhe politik ku kërkohet arrestimi i ish-ministrit të Brendshëm.

Në fakt e gjithë kjo histori ka dhe disa të vërteta të cilat nuk thuhen ende publikisht.

Së pari drejtësia italiane nuk ka kërkuar arrestimin e Tahirit, por prokuroria shqiptare kërkon arrestimin e tij edhe pse nuk ka bërë asnjë hetim.

Menjëherë lind një pyetje. Po gabon Prokuroria e Krimeve të Rënda, apo po përdoret politikisht?

Dje gazetari Artan Hoxha në një dalje për mediat theksoi se kreu i prokurorisë së Krimeve të Rënda, Besim Hajdarmataj është një nga prokurorët që i çon video të operacioneve policore ish-kryeministrit Sali Berisha duke dekonspiruar hetimet.

Nga ana tjetër kryeprokurori Adriatik Llalla, njeriu që e ka emëruar Hajdarmataj, njihet si një nga veglat që përdoret politikisht nga presidenti i Republikës, ish-kreu i LSI, Ilir Meta.

Llalla ka qënë në krye të ILDKPI-së dhe më pas gjatë kohës së qeverisjes Berisha-Meta, si propozim i këtij të fundit zgjidhet kryeprokuror i Republikës.

Edhe vetë Besim Hajdarmataj, i cili shpesh nga mediat dhe nga gazetarët është akuzuar se ka dekonspiruar disa hetime duke i çuar informacion Sali Berishës, me ish-kryeministrin e lidh vetëm origjina e tij, vendlindja Tropoja.

Në fakt Besim Hajdarmataj në rrethin e prokurorëve shikohet si një nga njerëzit e Ilir Metës, pra Llalla në krye të Prokurorisë së Krimeve të Rënda ka vendosur njeriun e Ilir Metës, një nga personat më të akuzuar për korrupsion.

Dje në emisionin ?Opinion?, Saimir Tahiri shpërtheu ndaj Ilir Metës duke e akuzuar se u kap me bllok në dorë, me pazare 7% të shumave, dhe sot është presidenti i Republikës, ndërsa ai po arrestohet për disa biseda telefonike të personave me precedentë.

Këto detaje dhe faktet e sipërpërmendura ngrejnë dyshime të forta se kërkkesa për arrestimin e Tahirit, përtej një vepriomi ligjor mund të jetë dhe një akt politik i frymëzuar dhe urdhëruar nga Ilir Meta si një hakmarrje ndaj Saimir Tahirit, njeriut që ka kundërshtuar dhe qëndruar në luftë të hapur me Ilir Metën edhe kur ky i fundit ishte në koalicion me PS./ CityNews