web counter
LEXO PA REKLAMA!

SHKARKO APP

App Store
Google Play

E fundit!

x

Faktet/ A do të arrestohet Mimi Kodheli për fikjen e radarëve?

20 Tetor 2017, 09:33, Aktualitet CNA

Përgjimet e bandës së drogës së kushërinjve të ish-ministrit të Brendshëm, Saimir Tahiri, nxorën në pah probleme dhe fakte tronditëse, ku rezulton se jo vetëm një person por një tërësi institucionesh janë të kapura nga krimi.

Ndërsa Prokuroria e Krimeve të Rënda, kërkoi heqjen e imunitetit të deputetit për Saimir Tahiri, si dhe arrestimin e tij për akuzën e trafikimit të lëndëve narkotike dhe korrupsionit pasiv ndaj zyrtarëve të lartë, një fakt tjetër i rëndësishëm është përfshirja në këtë skemë të organizuar të narkotrafikut.

Nga përgjimet u mësua se radarët e Durrësit ishin nën kontroll të bandës së Habilajve, por kjo nuk mbaron me kaq, pasi ato janë në përgjegjësi të Ministrisë së Mbrojtjes, dhe në atë kohë në krye të saj ishte Mimi Kodheli. Ajo është sulmuar herë pas here nga opozita e sidomos kohëve të fundit nga skandali i zbuluar, për mosfunksionimin e radarëve që kontrollonin zonën ujore kufitare dhe jo vetëm. Kontrolli i radarëve nga kriminelët, janë një akuzë mëse e mjaftueshme për arrestimin e ish-ministres së Mbrojtjes.

Dje akuza për përfshirjen e Mimi Kodhelit dhe përgjegjësine saj për mosfunskionimin e radarëve ka bërë edhe ish-deputeti socialist, Koço Kokëdhima.

Rama ka bërë 3 lëvizje të heshtura, por që sot po buçasin. Hoqi nga detyra, “peshkun 1”, Ilir Beqaj, i akuzuar për korrusion në vlera të larta me 3 mega koncesionet e tij; “peshkun 2”, Saimir Tahiri, i cili sot përballet me akuzat e trafikut të narkotikëve në bashkëpunim dhe korrupion pasiv ndaj zyrtarëve të lartë; “peshkun 3”, Mimi Kodheli, ministre e Mbrojtjes gjatë mandatit të parë, ku tashmë doli zbuluar se radarët e një vendi të NATO-s, kontrollohen nga trafikantët e drogës dhe krimi i organizuar.

Dy të parët janë nën hetim, ndërsa ish-ministrja Kodheli është përballë një skandali i cili në këto memente nuk po merr vëmendjen e duhur për shkak të zhurmës së krijuar me ish-ministrin e Brendshëm Saimir Tahiri. /CityNews





Lajmet e fundit nga