web counter
LEXO PA REKLAMA!

SHKARKO APP

App Store
Google Play

E fundit!

x

Del zbuluar Prokuroria e Krimeve të Rënda

20 Tetor 2017, 10:14, Aktualitet CNA

Kreu i Prokurorisë së Krimeve të Rënda, Besim Hajdarmataj ka deklaruar se ka pasur shkëmbime informacionesh me autoritetet italiane në lidhje me hetimet për ngjarjet e fundit, ku deputeti Saimir Tahiri akuzohet për përfshirje në aktivitete kriminala.

Por me këtë deklaratë Hajdarmataj ka nxjerrë zbulur Prokurorinë e Krimeve të Rënda, pasi është kërkuar heqja e imunitetit të Tahirit, në një kohë që ende nuk është bërë përkthimi i materialeve të autoriteteve italiane.

I pyetur nga deputeti Ulsi Manja se kur është regjistruar procedimi penal ndaj Tahirit, Hajdarmataj u përgjigj se gjithçka kishte filluar me datë 17 tetor, pas publikimit në media dhe tha më tej se nuk kishte asnjë dokument në atë moment por ato më pas janë kërkuar nga autoritete italiane të cilat janë sjellë dje dhe ende nuk janë përkthyer, por janë zbardhur vetëm pjesët ku flitet për Saimir Tahirin.

Pra Hajdarmataj ka pranuar se regjistrimi është bërë më datë 17 tetor, dokumentat kanë shkuar te krimet e rënda më datë 19 tetor në po të njëjtën ditë, pra dje pasdite ende pa përfunduar përkthimet, në vetëm pak orë është bërë menjëherë kërkesa për heqjen e imunitetit dhe arrestimin e Saimir Tahirit.

Të gjitha këto afate kohore ngrejnë mjaft dyshime në lidhje me veprimet proceduriale nga Prokuroria e Krimeve të Rënda e cila po akuzohet se po përdoret politikisht nga presidenti Ilir Meta./ CityNews





Lajmet e fundit nga