web counter
LEXO PA REKLAMA!

SHKARKO APP

App Store
Google Play

E fundit!

x

Tahiri sulmon dhe akuzon Ilir Metën

17 Tetor 2017, 14:56, Aktualitet CNA

Ish-ministri i Brendshëm Saimir Tahiri, gjatë konferencës për shtyp të pak minutave më parë ku foli për akuzat ndaj tij për përfshirje në krim, hedhur akuza kundrejt ish-aleatit të tij në qeverisje, Ilir Meta, ku tha se ka pasur përkrah gjatë detyrës së tij si ministër persona që do të donte t’i kishte përballë.

Ai tha se ka mbrojtur Policinë, përballë të gjithëve çka ka bërë të ketë humbje ndër miq, politikanë e njerëz të pushtetshëm, ndërsa shtoi se publiku ka parë shumëçka. Ka parë sesi politikanë të kapur me presh në dorë mbrohen e fshihen pas politikës, edhe pse çdo gjë ka dalë në shesh e filmuar.

“Publiku ka parë plot politikanë që edhe kur janë kapur me presh ne dorë duke vjedhur, e vrarë sërish fshiheshin pas politikës”, – tha Tahiri, teksa shtoi se ai nuk ishte ndër ta, por do t’i shkonte kësaj çështjeje deri në fund, deri në zbardhje të plotë të saj.

Kujtojmë se politikani i vetëm i kapur ‘me presh në dorë’  ka qenë ish-kreu i LSI-së, tashmë President, Ilir Meta, të cilit i dolën edhe video teksa ndante shuma të majme parash në zyrën e ish-ministrit të tij tashmë të ndjerë, Dritan Prifti. /CityNews





Lajmet e fundit nga