web counter
LEXO PA REKLAMA!

SHKARKO APP

App Store
Google Play

Prangoset deputeti/ I dyshuar për pjesëmarrje dhe organizim grupi kriminal

16 Tetor 2017, 15:38, Aktualitet CNA

Deputeti i Nismës Milaim Zeka është arrestuar sot nga Policia e Kosovës. Atij i është caktuar masa e ndalimit prej 48 orëve.  Lajmin e kanë konfirmuar zyrtarë të Prokurorisë së Kosovës. Milaim Zeka u ndalua për 48 orë si i dyshuar për konsumimin e  veprës penale ?pjesëmarrja ose organizimi i grupit kriminal të organizuar?, vepër kjo nga e cila dyshohet se Zeka ka qenë i implikuar në grupin e organizuar në mashtrimin e qytetarëve që kanë aplikuar për viza pune në Gjermani.

?M.Z është ndaluar për 48 orë për veprën penale pjesëmarrja ose organizimi i grupit kriminal të organizuar nga neni 283 paragrafi 1 lidhur me veprat penale mashtrimi nga neni 335 paragrafi 5 lidhur me paragrafin 1 të KPRK-se, dhe shmangia nga tatimi nga neni 313 paragrafi 3 lidhur me paragrafin 1 te KPRK-se?, ka thënë për mediat vendase, Ekrem Lutfiu, zëdhënës në Prokurorinë Themelore të Prishtinës.

Arrestimi i ish-gazetarit është bërë nga Njësiti i krimeve ekonomike i Policisë së Kosovës, të hënën, gjatë mesditës, raporton ?Zeri.info?, duke sqaruar se ndalimi i Milaim Zekës ka ndodhur pak ditë pasi portali ?Insajderi? ka publikuar investigimin për këtë skandal me viza, në të cilin dyshohet se Zeka ka qenë i implikuar, duke krijuar një biznes të tillë bashkë me partnerin e tij biznesmen, Ilir Krasniqi.

Nëntëqind e njëzetë kosovarë kanë provuar të emigrojnë në Gjermani me viza pune nëpërmjet një agjencie punësimi, e cila në fakt ishte një skemë mashtrimi e deputetit Milaim Zeka dhe partnerit të tij, Ilir Krasniqi, ka raportuar Insajderi, më 3 tetor të këtij viti.

Sipas hulumtimit të kësaj gazete, aplikantët kanë paguar nga 50 deri 3500 euro për një vizë pune. Por, në vend të punësimit dyshohet se aplikantët janë gjendur brenda një skeme mashtrimi, të cilën Prokuroria ka nisur hetimet për krim të organizuar, mashtrim dhe shmangie nga tatimi.

Partneri i Zekës, Ilir Krasniqi, tashmë ndodhet në paraburgim, pasi është arrestuar para disa javësh për pjesëmarrje në po të njëjtën skemë mashtrimi.





Lajmet e fundit nga