web counter
LEXO PA REKLAMA!

SHKARKO APP

App Store
Google Play

E fundit!

x

Avokati i njohur: Kryeministrin Rama e kap reforma në drejtësi

16 Tetor 2017, 14:33, Aktualitet CNA

Avokati Spartak Ngjela ka reaguar nëpërmjet një statusi në rrjetin social duke quajtur kryeministrin Rama mendjelehtë dhe me emocion hoxhist që mendon të mundë Uashingtonin dhe Berlinin në Shqipëri me Turqinë dhe Rusinë.

?Por kur do të mësojë ky kryeministër i zënë në hall që gjeopolitika kërkon miliarda si politikë dhe ato sot i ka vetëm Amerika dhe Bashkimi Europian!
Kaq i cektët është ky hallexhi që kërkon të shpëtojë veten duke fundosur Shqipërinë? Çështja shqiptare është sot në epiqendër të gjeopolitikës moderne, dhe ketë epiqendër vërtet mendon kryeministri pa mend i Shqipërisë se mund t’ia japë Turqisë dhe Rusisë??, shkruan Ngjela.

Sipas tij halli sigurisht që të çon në mendim fëminor, dhe kjo po i ndodh sot edhe kryeministrit shqiptar.
Ngjela thotë se halli i Ramës eshtë vetëm një dhe shumë i rëndë: kryeministrin shqiptar e kap Reforma në Drejtësi.

?Që të hyjnë në Shqipëri, domethënë në epiqendrën e gjeopolitikës botërore sot Turqia dhe Rusia, iu duhen minimumi 80 miliardë dollarë. Prandaj Uashingtoni dhe Berlini qeshin ndërkohë me manovrat që po bën kryeministri në hall i Shqipërisë?, shkruan më tej avokat Ngjela.
Spartak Ngjela i bën thirrje kryeministrit Rama të lerë budallallëqet pasi ata që kërkon ai të hyjnë në Shqipëri nuk nuk kanë asnjë të dhjetën e atyre parave. Ai i kërkon Ramës ti nënshtrohet fatit të tij pasi nuk ka rrugë tjetër.

Më tej në postimin e tij Ngjela shton: Penalizimin i Ramës dhe të gjithë korrupsionit shqiptar, Berisha e të tjerë pas tij, do të krijojë një gëzim të madh në Shqipëri.
Në fakt këtu, pas njëqind vjetësh, fillon çlirimi real i Shqipërisë dhe të gjithë botës shqiptare në Ballkanin Perëndimor, të gjymtuar padrejtësisht nga korrupsioni permanent shqiptar dhe akti historik i disa fuqi të mëdha./CityNews





Lajmet e fundit nga