web counter
LEXO PA REKLAMA!

SHKARKO APP

App Store
Google Play

Qëndrimi i BE-së, ZGJIDHJA: Shqipëria e Ramës, parajsa e krimit dhe e drogës

14 Tetor 2017, 16:50, Aktualitet CNA

Kryetari i ZGJIDHJA Koço Kokëdhima ka reaguar nëpërmjet një statusi në rrjetin social në lidhje me një artikull të publikuar nga faqja zyrtare e Këshillit Europian i titulluar ?Çfarë mund të bëjë Evropa për Ballkanin Perëndimor?.

Kokëdhima akuzon kryeministrin Rama se po e çon deri në fund shkatërrimin e shtetit, ekonomisë, besimit, shpresës dhe të imazhit të shqiptarëve në botë.

Në artikullin e publikuar, në lidhje me Shqipërinë shkruhet: ?Shqipëria ka ndarje të thella politike, në të cilat politikat dhe marrëdhëniet e klaneve ndërthuren me një rrjetë hakmarrëse dhe korrupsioni. Trafikimi i drogës dhe pastrimi i parave lulëzojnë në mjedisin shqiptar. Në vend që t?iu përgjigjet këtyre dështimeve të qeverisjes, Edi Rama, kryeministri shqiptar kohët e fundit e ka bërë më keq, duke rritur nacionalizmin, duke përmendur ?Shqipërinë e Madhe? dhe duke ushqyer spektrin e shovinizmit shqiptar në Maqedoninë fqinje?.

Kokëdhima shkruan se ZGJIDHJA i ka paralajmëruar me dhjetra herë opinionin e brendshëm dhe përfaqësitë diplomatike të Europës dhe Amerikës për të vërtetat e hidhura të situatës politike, social-ekonomike dhe psikologjike të Shqipërisë dhe mbështet këtë vlerësim të KE-së.

Sipas Kokëdhimës vetëm ZGJIDHJA do ta nxjerrë Shqipërinë nga ky batak ku e zhytën Rama, PD-ja dhe ata që na qeverisën këto vite. /CityNews





Lajmet e fundit nga