web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet marrëveshja me Kroacinë/ Agjentë special zbarkojnë në Tiranë

14 Tetor 2017, 14:25, Aktualitet CNA

Struktura e Posaçme Antikorrupsion në Shqipëri do të ngrihet sipas modelit kroat. Sapo të nisë puna për ngritjen e SPAK, Kroacia bashkë me SHBA e BE do të japë ndihmë që të luftohet korrupsioni dhe krimi i organizuar.

Mësohet se bashkëpunimi do të arrihet përmes një marrëveshje të miratuar në nëntor të 2015, për forcimin e bashkëpunimit policor.

Sipas gazetës SOT në marrëveshjen e bashkëpunimit policor mes dy vendeve, janë përcaktuar dhe rregullat dhe kriteret mbi operimin e agjentëve sekretë, apo transmetimin e informacioneve të grumbulluara prej tyre.

Në nenin 8 të marrëveshjes thuhet se palët, me anë të një kërkese të paraqitur paraprakisht, t?i japin njëra-tjetrës ndihmë në kryerjen e hetimeve duke përdorur zyrtarë si agjentë të policisë nën mbulim ose me identitet të ndryshuar apo informatorë të besuar, nëse ekziston dyshimi që një vepër penale është kryer, për të cilën lejohen veprime të agjentëve të policisë nën mbulim ose informatorë të infiltruar.

Në të përcaktohet gjithashtu se të gjitha veprimet do të ndërmerren në bazë të legjislacionit vendas. Me marrëveshjen e re mes Kroacisë dhe Shqipërisë, agjentët kroatë mund edhe të punësohen në vendin tonë.

?Me kërkesë të palës kontraktuese kërkuese, një agjent i policisë nën mbulim i palës kontraktuese mund të punësohet në territorin shtetëror të palës kontraktuese të kërkuar?, thuhet në marrëveshje.

Më tej, theksohet se pala kontraktuese duhet që të mundësojë mbështetjen me staf, logjistikë dhe ndihmë teknike. Një tjetër element që theksohet është se shteti ku vendosen agjentët duhet të garantojë sigurinë e tyre.

Autoritetet kompetente policore të Shqipërisë dhe Kroacisë kanë parashikuar mundësinë për të shkëmbyer të dhëna personale duke respektuar kufizimet e vendosura nga autoritetet që dërgojnë këto të dhëna.





Lajmet e fundit nga