web counter
LEXO PA REKLAMA!

SHKARKO APP

App Store
Google Play

E fundit!

x

Basha i dënuar të shkatërrojë PD-në me LSI-në

14 Tetor 2017, 11:32, Aktualitet CNA

Ka një lëvizje të kohëve të fundit deri diku e diktuar nga situata politike, por dhe me vetë pasionin dhe dëshirën e Lulzim Bashës për një afrim të ri të PD-së me LSI-në.

Forca politike me emrin LSI, e quajtur ndryshe çeta e Ilir Metës që sot drejtohet nga bashkëshortja e tij është simbol i një partie klienteliste korruptive dhe hajdutësh pa kufi.

Ajo forcë lindi sepse Ilir Meta ishte i pakënaqur nga Fatos Nano dhe ajo çfarë i ofronte ai, u ngrit si një grup që i shkaktoi socialistëve humbjen në 2005, i siguroi fitoren Edi Ramës në 2007 dhe e la në opozitë Partinë Socialiste në 2009, i dha Lulzim Bashës Bashkinë e Tiranës në 2011, e çoi PD-në në opozitë në 2013, i siguroi fitoren të majtës në 2015 dhe në 2017 e vetme LSI ngeli poli i tretë politik pa i bërë dëm askujt, thjeshtë çimentosi pushtetin 4-vjeçar të Edi Ramës.

Pra LSI në historikun e saj është forca që PS-së i ka shkaktuar disa dëme elektorale, dise herë, por në zgjedhjet e fundit nuk mundi të ishtë më e tillë, jo vetëm për të majtën por as për të djathtët, forca politike e qokava, parave të pista, korrupsionit dhe aferave nuk ishte më poli i tretë që mund të luante rolin qeveri formuese.

Shqiptarët janë ngopur me broçkullat e ndershmërisë së LSI-së, kur kryetari i saj ?legjendar? Ilir Meta, sot president i Republikës, është i vetmi politikan i kapur me bllok në dorë duke ndarë qindra mijëra euro, është i vetmi politikan që del në skandalin CEZ-DIA, njeriu që për 8 vite e mbajti LSI-në në pushtet, me ministra të korruptuar dhe të dështuar. Kudo ku shkeli LSI-ja edhe gjatë qeverisjes së PD-së edhe gjatë qeverisjes së PS-së, binte tërmet korrupsioni vjedhjesh dhe vjedhjesh, aferash dhe akuzash.

meta-basha-1Këtë forcë politike, Lulzim Basha kërkon ta marrë nën sqetull. Pasi e katandisi PD-në në një grusht, tani me LSI-në në krah po kërkon të gjejë shpëtim.

Në rast se Basha do të ketë LSI-në aleate, kostot që do të marrë PD-ja do të jenë edhe më të mëdha. Zgjedhjet e fundit treguan se goditja që i dha Partia Sicialiste LSI-së i siguroi Ramës më shumë vota, më shumë mandate dhe qeveri më vete.

Lulzim Basha me LSI në krah thjeshtë dhe vetëm do të ulë dhe do të pakësojë më tej votat e PD-së, sepse do të tregojë që ai është i gatshëm të bëjë aleancë me partinë më të korruptuar në Shqipëri, thjeshtë dhe vetëm për karrigen e kryeministrit.

Dashuria e Lulit me LSI-në në fund do të ketë një pasojë, pakësimin e votave të PD-së, këtë ndoshta do duhet pak kohë për ta provuar, por me rrugën që ndjek Basha dhe perceptimin në opinion që ka LSI-ja, përfundimi është thuajse i ditur. Basha është ?i dënuar? të shkatërrojë PD-në me LSI-në./ CityNews





Lajmet e fundit nga