E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Statuti si alibi e Lulzim Bashës për shpëtim

14 Tetor 2017, 12:14, Aktualitet CNA

Përplasjet e forta në Partinë Demokratike, të cilat erdhën pas humbjes së zgjedhjeve të 25 qershorit, dhe manipulimit të votave që bëri Basha me 22 korrik kanë sjellë një ?reflektim? të kryetarit demokrat.

Në disa dalje televizive, por dhe në takime me kryesinë e PD-së, kryesinë e FRPD-së etj, Basha thekson se do të ndryshojë statutin, se ai ka reflektuar, se ai gaboi dhe njeh përgjegjësinë.

Reflektimin në fakt ende nuk e ka parë askush, pasi ka të njëjtën sjellje arrogante dhe vepron në panik me kritikët e tij. Përgjegjësi nuk ka mbajtur, përkundrazi thelloi skandalet e tij me vjedhjen e votava dhe garën fiktive brenda PD-së me ?maqon? e tij, e vetmja gjë e provuar është që ai gaboi me zgjedhet e listave, me marrëveshjen me Edi Ramën, me zgjedhjet në Partinë Demokratike dhe pikërisht me sjelljen e tij tani.

Për të shpëtuar nga të gjitha këto, Lulzim Basha ka gjetur si ?alibi? statutin e PD-së dhe ndryshimin e tij.

Në mbledhjen e kryesisë së partisë pranoi gabimet, premtoi ndryshime në statut.

Në mbledhjen e kryesisë së FRPD-së pranoi gabimin, premtoi ndryshime në statut, në media flet për ndryshime në statut, me ndryshimin e të cilit kërkon të shpëtojë ?lëkurën e tij? të mbuluar nga balta dhe llumi ku e zhyti vetë.

Lulzim Basha po përdor alibi ndryshimi në statut, ndërkohë që është njeriu që e ka kthyer kushtetutën e PD-së ?në letër higjenike?. Ka tre vite që nuk e ka mbledhur asnjëherë të vetme Këshillin Kombëtar të PD-së, nuk mblodhi kryesinë për listat e kandidatëve, ka emëruar sekretar dhe drejtues departamentesh pa i zgjedhur Këshilli Kombëtar, ka vendosur kandidatë për kryetar bashkie i vetëm.

Të gjitha këto nuk janë pak për të thënë se Lulzim Basha statutin e Partisë Demokratike, duke e shkelur dhe mosrespektuar ka mbushur xhepat e tij dhe të familjarëve të tij duke marrë qindra mijëra euro për të vendosur në lista kandidatë për deputetë apo për kryetar bashkie.

Pasi e përdori si plaçkë pazari Partinë Demokratike, tani kërkon që statutin e saj ta ketë si alibi për të shpëtuar pasi ka mbushur xhepat me paratë e korrupsionit të tij politik, i cili nuk zgjidhet vetëm me ndonjë kandidat që ka paguar për të qënë në listat fituese, por dhe me pazarin dhe shitjen e tij tek Edi Rama me marrëveshjen e 18 majit dhe rreth 12 milion euro që familjarët e tij pritet të marrin nga shteti shqiptar për një objekt që ju shemb në Vlorë.

Të gjitha faktet njihen, janë pranuar dhe vetë prej tij dhe si zgjidhje ka gjetur lojën me statutin për të tërhequr nga pas të gjithë ata që nuk e shohin dot me sy sepse ai i ka tradhëtuar dhe i ka shitur.

Alibia me statutin dhe ndryshimet e tij janë gënjeshtër dhe mashtrim i radhës i Lulzim Bashës, për të mbajtur karrigen e kryetarit, detyrë ku ka realizuar vetëm humbje spektakolare./ CityNews