web counter
LEXO PA REKLAMA!

SHKARKO APP

App Store
Google Play

E fundit!

x

Finalizohet operacioni “New Start”/ Në pranga dy inspektorë të AKU

14 Tetor 2017, 11:55, Aktualitet CNA

Zëdhënësja e Drejtorisë Vendore të Policisë Tiranë, Frida Sinanaj në një deklaratë për mediat bën të ditur finalizimin e operacionit “New Start”.

Sinanaj njofton Drejtoria Vendore e Policisë Tiranë në bashkëpunim me Drejtorinë e Përgjithshme të Agjencisë Kombëtare të Ushqimit, finalizoi me sukses operacionin policor të koduar “New Start” duke bërë të mundur arrestimin e dy inspektorëve të AKU-së.

Mësohet se në kuadër të këtij operacioni policor u arrestuan shtetasit:

– Alfred Mahmuti, 45 vjeç, banues në Tiranë, me detyrë inspektor terreni pranë Agjencisë Kombëtare të Ushqimit.

– Erlinda Dervishi, 31 vjeçe, banuese në Tiranë, me detyrë inspektore terreni pranë Agjencisë Kombëtare të Ushqimit, dega Tiranë.

Arrestimi i tyre u bë pasi gjatë kontrolleve të ushtruara ditën e djeshme nga strukturat e Drejtorisë Vendore të Policisë Tiranë dhe Agjencisë Kombëtare të Ushqimit, në 2 subjekte (thertore) është konstatuar licencimi në kundërshtim me kriteret ligjore.

Policia e Tiranës në bashkëpunim me AKU-në, por edhe Agjenci të tjera ligjore po vijojnë kontrollet në mënyrë intesive për evidentimin dhe goditjen e paligjshmërisë, apo rastet e abuzimit dhe shpërdorimit të detyrës nga punonjës të këtyre strukturave.

Policia e Shtetit e konsideron të rëndësishëm dhe efikas bashkëpunimin me qytetarët, shoqërinë civile dhe median, e në këtë kuadër fton ata të denoncojnë çdo rast të paligjshmërisë në numrin falas 112, duke garantuar reagimin në kohë dhe të paanshëm./ CityNews





Lajmet e fundit nga