Ekskluzive/ Denoncimi i inspektorit/ Tregon bëmat dhe gjëmat e Hetimit Tatimor

14 Tetor 2017, 16:42, Aktualitet CNA

?Doja të denoncoja mënyrën e organizimit dhe urdhrat që na jepen nga drejtorët tanë? shkruan në një letër adresuar ?CityNews?, një inspektor i Hetimit Tatimor , që kemi vendosur ta publikojmë pasi verifikuam se problemet që ai ngre nuk janë të tanishme, por të trashëguara ndër vite dhe që vijojnë të jenë prezente dhe hall për të gjithë inspektorët e tjerë, homologë të denoncuesit. Këtyre në detyrë dhe të larguarve prej punës.

Ndërsa thotë se reagimi i tij ka ardhur pas publikimit të disa ditëve më parë nga CityNews të një shkrimi që fliste për punën e Hetimit Tatimor (shkrim që do ta gjeni të ripublikuar më poshtë), inspektori denoncues, G.M., vijon:

?Çdo Drejtor për të mbajtur vendin e punës organizon aksione kontrolli nëpër subjekte tregtare te ndryshme ne territorin Shqiptar dhe ky organizim lë shume per te deshiruar. Duke filluar nga kontrollet, ne shume raste inspektoret hyjne per kontroll ne te njejtin subjekt sepse nga organizim i keq asnje nuk e di se ku kane qene per kontroll koleget e tjere. Ose kur kemi shkresa per çregjistrime subjekti shpeshhere ndodh qe te shkojne 3-4 grupe pune ne te njejtin vend. Ne shume raste eshte nje bezdisje dhe stres per subjektet dhe nenkuptohet nje stres akoma me i madh per inspektoret kur ushtron kontroll tek nje subjekt i irrituar.

Aksioni i fundit ishte ne sezonin e plazhit 2017, duhet t?ju kujtoj qe kapacitetet per makina jane te pergjysmuara. Vetem gjysma e inspektoreve zoterojne makina pune, pjesa tjeter dalin ne pune me makina personale dhe sigurisht konsumi i naftes paguhet nga inspektoret. Pergjigja nga drejtoria eshte nese nuk e ben dot kete pune, shkruaj dy gisht leter dhe largohu.

Duhet te shkonim kontroll ne Vlore dhe Sarande sigurisht u premtua gjithcka nga makinat e punes tek nafta, hoteli dhe dietat. Arritem ne Vlore me 10 litra nafte, i kerkuam drejtorise por na u tha qe sapo mbaroi. Domethenë, një jave te tere ne duhet ta paguanim vete naften per te bere kontrollet e shtetit (aksioni zgjati 2 muaj). Pyetëm ku do fleme gjatë javës, na u tha drejtori qe premtoi ne menyre private të na siguronte hotelin ka fikur tel. Lol…….

Në këtë moment jemi në aksion, urdhrat e punës janë nga e marta deri të dielen, nga 12 orë në ditë.

Doni të dini nëse na paguhen oret jashte orarit apo per te shtunën e të Dielën? Kam disa dieta per te marre nga tetori i vitit te shkuar (2016), që nuk a di a do merren, ndërsa për pagesa jashte orarit as nuk bëhet fjalë.

Ndodh kjo kur në Kodin e Punës jane te shpjeguara qartë marrëdhëniet punëdhenës- punëmarrës si nga oraret e punës tek detyrimet qe ka punëdhenësi, kur punonjësi punon me orar të zgjatur apo në ditët e pushimeve. Nëse nga drejtorët nuk zbatohet Kodi i Punes, a kemi shkelje flagrante të ligjit?

Po si mundet që një organ kontrolli të bëjë punën, dmth të kontrollojë subjektet tregtare a zbatojnë ligjin kur vete shkel ligjin me të dyja këmbët për shkak të disa drejtoreve të papërgjegjshëm.

Javen tjeter kemi përseri aksion, 12 orë në ditë, të shtunë, të diele në punë. Sigurisht që me makina personale dhe etj., etj./CityNews

Lufta kundër informalitetit/ Inspektorët e hetimit tatimor mbushin xhepat