Atentati i 11 tetorit/ Zbardhet skema e krimit makabër në mes të qytetit

14 Tetor 2017, 16:34, Aktualitet CNA

Pas breshërive të derdhura mbi klientët e lokalit, viktimat e identifikuara ishin Zamir Latifi dhe Jurgen Hoxha, përkatësisht 26 dhe 28 vjeç. Ky ishte fundi i ngjarjes së rëndë kriminale të ndodhur në 11 tetor 2017 në zemër të qytetit të Lushnjes, vetëm disa metër larg komisariatit të policisë. Po më tej..?

I ftuar në emisionin ?Kjo Javë? në News 24, gazetari Spartak Koka, ka zbardhur skemën e atentatit ku mbetën të vrarë dy të rinj dhe u plagosën 3 të tjerë.

Duke rrëfyer për ngjarjen Koka ka thënë se objektivi i atentarorëve nuk ishin të rinjtë, por Xhulio Shkurti, nipi i Aldo Bares, i cili 5 minuta para se të ndodhte atentati është larguar nga vendi i ngjarjes.

?Ka qenë pasditja e të martës në 11 tetor të këtij viti, kur në bulevardin shëtitorja e Palmave kanë qenë të ulur në lokalin e Marjus Xhepexhiut dhe më pas janë ngritur në këmbë Zamir Latifi, Jurger Hoxha. Kanë qenë duke kaluar me biçiklete Bujar Turku, ka qenë Xhulio Shkurti dhe Sajmo Xheliu. Xhulio Shkurti është nipi i Aldo Bares dhe është larguar për tek berberi 5 minuta para se të qëllohej në drejtim të shokëve të tij. Atentatorët kanë dalë nga ura dhe kanë qenë 3 veta që kanë goditur duke lënë të vdekur Jurgen Hoxhën 28 vjec, i cili ka tentuar të largohet nga rruga dhe Zamir Latifi 26 vjeç. Ata janë përpjekur të largohen dhe janë plot 41 plumba me të cilët është qëlluar. Ka mbetur i plagosur pronari i lokalit dhe shoku i viktimave Marjus Xhepexhiu dhe 1 person tjetër që ishte duke kaluar rastësisht?- tha Koka.

Në vijim ai ka bërë të ditur emrat e 2 prej atentatorëve, të cilët janë Laert Qamil Haxhiu 26 vjeç dhe Orges Bilbili.

?Autorët kanë ardhur nga bulevardi kryesor i qytetit me një makinë tip ?Benz? dhe kanë qëlluar në drejtim të personave. I dyshuari kryesor është Laert Qamil Haxhiu 26 vjeç. Për herë të parë i publikohet fotoja. Orges Bilbili është shoku i tij dhe të dy personat kanë qenë në frontin e parë të goditjes. Personi i tretë është një autor i paidentifikuar?, tha Spartak Koka.
Policia ende nuk ka rënë në gjurmët e atentatorëve, por është duke punuar për zbardhjen e plotë të ngjarjes. /CityNews