web counter
LEXO PA REKLAMA!

SHKARKO APP

App Store
Google Play

E fundit!

x

“Shkollëshumi” i LSI sulmon “shkollëpaktit” e PS/ Parlamenti po asgjesohet, qeveria e kriminalizuar

14 Tetor 2017, 16:01, Aktualitet CNA

Kreu i grupit parlamentar të LSI Petrit Vasili ka shkruar nw rrjetin e tij social duke thënë se Shqipëria Republikë Parlamentare po shembet nga drejtimi asgjesues i Parlamentit dhe nga kriminalizimi kryeministror.

Sipas Vasilit mediat europiane janë shumë të qarta, që Kryeministri shkollëpak i këtij vendi me paaftësinë kriminale të tij dhe të atyre që i bëjnë fresk po e çon këtë vend në një greminë ekonomike dhe politike.

Petrit Vasili shprehet se në Parlamentin e degraduar që drejtohet me një servilizëm, që nuk është parë as në fillimet e pluralizmit po realizohet vetëm qetësimi i paranojave biologjike dhe politike të kryeministrit mendjehumbur në kurriz të parlamentarizmit.

? Po jetojmë skandalozisht parlamentin e partisë së punës dhe Shqipëria Republikë Parlamentare po shembet nga atavizmat e së shkuarës komuniste?, shkruan Vasili.
Më tej kreu i grupit parlamentar të LSI shprehet se vendi po shket shumë rrezikshëm në duart dhe pushtetin e krimit dhe pergjegjësia për jetën e mijëra familjeve e bizneseve, është vetëm e një njeriu, e kryeministrit, i cili do që të ikë duke lënë zjarrin prapa.

?Ja çthotë media, Këshilli Europian për marrëdhëniet e jashtme:

Shqipëria ka ndarje të thellë politike, ku politika dhe marrëdhëniet mes klaneve ndërthuren në një rrjet hakmarrje dhe korrupsioni. Trafikimi i drogës dhe pastrimi i parave po lulëzon në këtë vend. Kryeministri i Shqipërisë Edi Rama, në vend që ti përgjigjet këtyre dështimeve të qeverisë, rishtazi e ka përkeqësuar gjendjen duke folur për Shqipërinë e Madhe?, përfundon statusin e tij Vasili./CityNews

 





Lajmet e fundit nga