web counter
LEXO PA REKLAMA!

SHKARKO APP

App Store
Google Play

Basha viziton ekspozitën në nder të At Zef Pllumit / Nuk e ka vendin në muze por ...

1 Tetor 2017, 13:26, Aktualitet CNA

Kryedemokrati Lulzim Basha, në përkujtim të 10 vjetorit të ndarjes nga jeta të At Zef Pllumit, vizitoi ekspozitën e hapur nga vëllezërit françeskanë.

Basha është shprehur se ua rekomandon të gjithëve atyre që nuk e kanë parë, pasi është frymëzuese dhe prekëse.

Basha është ndalur edhe tek mesazhi që At Zef Pllumi përcolli gjatë jetës së tij, teksa tha ‘se ia vlen çdo sakrificë për lirinë’, ndërsa shfrytëzoi rastin për tu ndalur tek liria e zgjedhjes.

Teksa vlerësoi veprën e At Zef Pllumit, ‘Rrno për me tregue’, basha bëri thirrje që të jetë në tekstet shkollore, pasi është dëshmi e ferrit komunist.

Në vlerësim të tij, Basha u shpreh se nuk e ka vendin për në muze, pasi në muze qëndron e keqja.

“…dua të them se At Zef Pllumi, vepra, jeta e tij, virtytet e tij nuk e kanë vendin në muze por në jetën e përditshme të shqiptarëve. Në muze e ka vendin e keqja e cila bën vend ditë për ditë në jetën e shqiptarëve.
Qoftë ky bekimi i heshtur i At Zef Pllumit që shoqëria dhe qytetarët shqiptarë ta gjejnë forcë, ta kyçin të keqen në muze e ta zbresin të mirën në jetën e tyre të përditshme”, – u shpreh ndër të tjera Basha. /CityNews





Lajmet e fundit nga