web counter
LEXO PA REKLAMA!

SHKARKO APP

App Store
Google Play

Rama i vendosur/ I mbyll portën e karrierës në administratë drejtuesve të PS

1 Tetor 2017, 11:42, Aktualitet CNA

Nga të privilegjuar në punësimin nëpër poste drejtuese, qoshe të ngrohta e vënde pëllumbash, në të përjashtuar. Kjo është drama e madhe që po vuajnë momentalisht kryesuesit e selive të Partisë Socialiste të strukturave të bazës, pas urdhërit të kryetarit të partisë, njëherësh dhe kryeministër i vendit Edi Rama.

Asnjë kryetar PS-je i punësuar në administratën publike, ka qenë urdhëri i dhenë nga Rama, pas fitimit të zgjedhjeve parlamentare të 25 qershorit, që sikurse po duket vijon të jetë ende në fuqi.

I përcjellë me shpresën se me kalimin e javëve përmbajtja e urdhërit Rama do të zbehej dhe komanduesve periferikë të celulave të PS-së do tu hapej sërish porta e punësimit në poste ekzekutive komanduese, dëshpërimi i tyre është rikthyer pasi kanë mësuar qënien e tij në fuqi.

Vërtetimin e mosndryshimit të qëndrimit të Kryeministrit e kanë pohuar burime të CityNeës pranë kryeministrisë, të cilat kanë konfirmuar se një sërë emrash të listës me propozime që i janë parashtruar Ramës si kërkesa nga baza e PS-së për tu emëruar në poste drejtuese të administratës publike janë kundërshtuar në mënyrë kategorike nga ky i fundit. Shkak ka qenë qënia e tyre funksionarë të lartë drejtues të strukturave të PS në bazë.

Në argumentim të kësaj fshirjeje Rama ka rikthyer në vëmendje qënien ende në fuqi të urdhërit përjashtues të dhenë prej tij pas fitimit të zgjedhjeve dhe që synon ndarjen e pushtetit ekzekutiv nga politika. Një kërkesë kjo e parashtruar edhe nga BE, si kusht për nisjen e bisedimeve të anëtarësimit, në mënyrë që refoma në administratë të prodhojë depolitizimin e saj. /CityNews





Lajmet e fundit nga