web counter
LEXO PA REKLAMA!

SHKARKO APP

App Store
Google Play

Çekët zbulojnë në Gjirin e Vlorës nëndetësen e mbytur 101 vite më parë (FOTO)

1 Tetor 2017, 11:41, Aktualitet CNA

Atë që nuk kanë arritur ta bëjnë shqiptarët gjatë gjithë këtyre dekadave ja kanë dalë ta zbulojnë një grup zhytësish çekë.

Në fakt çekët prej vitesh parapëlqejnë të shijojnë turizmin shqiptar, që nga Alpet e Veriut deri në thellësitë e deteve Adriatik e Jon. Me interes të veçantë është edhe turizmi nënujor në Shqipëri.

Sipas mediave çeke këto ditë shtatorit zhytësat çekë profesionistë e amatorë të ardhur si turistë në Shqipëri bënë një zbulim të veçantë. Ata kanë arritur të identifikojnë në funddetin e Gjirit të Vlorës nëndetësen austro-hungareze ?SM U-16? të mbytur në 17 tetor 1916 thuajse 101 vite më parë.

Të njëjtat burime raportojnë se në vitin 2015 ekipi amerikan i RPM Nautical Foundation duke përdorur robot zhytës të telekomanduar tip ROV kreu disa fotografi të një nëndetseje të mbytur përballë Gadishullit të Karaburunit (në drejtim jug-perëndim).

Amerikanët dyshonin se kishin të bënin ose me një nëndetëse austro-hungareze të klasit ?U 10?, ose me një nëndetse gjermane të klasit ?UB-1?, gjithnjë të periudhës së Luftës së Parë Botërore.

Zbulimi i bërë nga zhytësit cekë 101 vjet pas mbytjes së nëndetëses hedh dritë pjesërisht mbi misteret e ?U 16?.

Ky zbulim, i emërtuar prej specialistëve si ?i një rëndësie të veçantë? na bën të kuptojmë sesa sekrete të tjera të kësaj natyre, madje edhe më të rëndësishme se i nëndetëses së mbytur ?U 16?, fsheh funddeti shqiptar i Adriatikut dhe Jonit. /CityNews





Lajmet e fundit nga