web counter
LEXO PA REKLAMA!

SHKARKO APP

App Store
Google Play

E fundit!

x

Historia e nëndetëses 101 vjeçare të zbuluar nga çekët në Vlorë

1 Tetor 2017, 12:01, Aktualitet CNA

Nëndetësja austro-hungareze ?SM U 16? ( e njohur edhe si KUK U 16) ishte prodhim gjerman i kantjerit të Bremenit e vitit 1915. Nëndetësja ?U 16? nga Bremeni u transportua e çmontuar me hekurudhë në Portin ushtarak të Pulës (baza kryesore ushtarako detare e marinës austro-hungareze), ku dhe u montua para se të lëshohej në det.

Kjo nëndetëse operoi vetëm në Detin Adriatik, nga baza detare e Grykës së Kotorrit. Nëndetsja gjatë veprimeve të saja luftarake në nëj ditë të vetme në 5 dhjetor 1915 mbyti në Gjirin e Drinit veljerin italian ?Unione? 25 tonësh si edhe kapi si trofe lufte pranë Kepit të Rodonit veljerin shqiptar 62 tonësh ?Lulja e Shqypnisë? pronë e tyxharëve të Shkodrës, por me ekujpazh ulqinak. ?Lulja e Shqypnisë kishte në bord ushtarë malazezë, që tërhiqeshin të shpartalluar nga fronti i Lumit Tara si edhe armë e me municione.

Në 17 tetor 1916 nëndetsja U 16 e komanduar nga kapiteni konti Von Zopa sulmoi një konvoj avulloresh tregtare italiane të shoqëruar nga destrojeri Nembo (330 ton GRT), ndërsa po lundronin nga Vlora për në Brindizi të italisë. Një nga silurët 450 mm të nëndetses e goditi destrojerin ?Nembo? duke e dërguar në fund të detit.  Mbetet mister, sesi u mbyt kjo nëndetse. Sipas dokumenteve sekrete të deklasifikuara të Marinës Mbretërore Italiane, destrojeri ?Nembo? e mbyti nëndetsen duke e dëmtuar rëndë atë me bomba thellësie. Sipas burimeve të Flotës Mbretërore Britanike, nëndetsja u mbyt pasi u godit me qëllim nga bashi i avullores italiane ?Bormida? pjesë e konvojit të avulloreve tregtare të shoqëruara nga destrojeri ?Nembo?.

Komandanti Von Zopa bashkë me 11 pjesëtarë të ekujpazhit u mbytën, ndërsa italianët shpëtuan 2 marinarë të tjerë të nëndetses. Fotot dhe filmimet e zhytësve cekë mund të ofrojnë celësin për të shpjeguar mbytjen e nëndetses d.m.th. u mbyt nga shpërthimi i bombave të thellësisë të lëshuara nga destrojeri apo u mbyt nga përplasja me bashin e avullores Bormida?./CityNews





Lajmet e fundit nga