E fundit!

11:28 Aktualitet

“Më duhen 200 mijë…”/ Zbardhet dëshmia e Metës për aferën CEZ-DIA

Sot në GJKKO po zhvillohet seanca ndaj kreut të Partisë së...

Konferenca e Kryetarëve/ Miratohet kërkesa e PD për komisionin për Reformën Zgjedhore

27 Shtator 2017, 12:51, Aktualitet CNA

Nën drejtimin e Kryetarit të Kuvendit, Gramoz Ruçi u mblodh sot Konferenca e Kryetarëve për të diskutuar lidhur me kërkesën e Grupit Parlamentar të Partisë Demokratike për ngritjen e Komisionit të Posaçëm Parlamentar për Reformën Zgjedhore.

Pas shqyrtimit të kërkesës së Grupit Parlamentar të Partisë Demokratike, Konferenca e Kryetarëve vendosi me konsensus miratimin e kërkesës dhe përgatitjen e projektvendimit për ngritjen e Komisionit të Posaçëm Parlamentar për Reformën Zgjedhore.

Kryetari Ruçi bëri me dije se brenda dy javëve nga diskutimi i Konferencës së Kryetarëve duhen unifikuar qëndrimet lidhur me objektin, përbërjen dhe kohëzgjatjen e këtij komisioni.

Gjithashtu, u shqyrtua edhe kërkesa e Kryetarit të Grupit Parlamentar të Partisë Socialiste, z. Taulant Balla për ndryshimin e rendit të ditës të seancës plenare. Sipas kërkesës, propozohen të shtohen në rendin e ditës projektvendimi ?Për miratimin e strukturës dhe organikës të Kolegjit të Posaçëm të Apelimit të Gjykatës Kushtetuese?, projektvendimi ?Për miratimin e strukturës dhe organikës të Komisionit të Pavarur të Kualifikimit?, projektvendimin ?Për miratimin e strukturës dhe organikës së Komisionerit Publik?.

Njëherësh z. Balla ka propozuar që të shkrihen në rendin e ditës dekretet 9765 datë 14.10.2016 për kthimin e ligjit ?Për disa shtesa dhe ndryshime në ligjin Për menaxhimin e integruar të mbetjeve të ndryshuar? dhe dekretin me numër 7969 datë 18.10.2016 ?Për kthimin e ligjit ?Për disa shtesa dhe ndryshime në ligjin për Dhomat e Tregtisë dhe të Industrisë së ndryshuar?.

Lidhur me këto propozime, Kryetari i Kuvendit z. Gramoz Ruçi u shpreh se: ?Në bazë të rregullores së Kuvendit, kjo është një çështje që i përket seancës plenare. Duke qenë se mbledhja ishte mbledhur posaçërisht për kërkesën e grupit parlamentar të PD-së, do t?ju bëja apel edhe kryetarëve të grupeve parlamentare dhe deputetët respektive të të gjitha grupeve parlamentare të jenë të gatshëm për të dhënë verdiktin e tyre për të 5-ta problemet, edhe për 3 vendimet edhe për 2 dekretet?./ CityNews