web counter
LEXO PA REKLAMA!

SHKARKO APP

App Store
Google Play

E fundit!

x

SHËNIM/Këta nuk e njohin PD-në?

23 Shtator 2017, 19:05, Aktualitet CNA

PD në 2004-2005 u shtua me prurje nga PDR e Genc Pollos, nga Aleanca Demokratike e Neritan Cekës. Sepse nuk i mjaftonte vetvetes për të fituar. Dhe një pjesë e ministrave dhe zyrtarëve të PD në 2005-2013 vinin nga këto dy grupe. Sekretarin e Përgjithshëm (Bode) e mbajti PD e Qëndrestarëve, ajo e 1997-2004. U bë kjo aleancë me dy grupe sepse nuk kishte mënyrë tjetër për të mbajtur pushtetin. Sot PD që ishte autentike në 2004, Topalli, Bode, Patozi etj dhe që pranuan aleancë me dy grupet ADR dhe PDR plus KOP në shërbim të një PD-je më të madhe dhe më efiçente, ka mbetur jashtë prej ktyne që dikur (2004) i pranuan si aleatë dhe të cilët, tashmë nuk pranojnë aleancë me grupin autentik që ishte aty kur këta erdhën. Sali Berisha i pranoi ADR e PDR, edhe pse i pati kundërshtarë të fortë, edhe pse i krijuan edhe partira për ta zvogëluar e rrëzuar. Sepse ndryshe nuk mund të fitohej dhe ai deshi të fitonte, demokratët deshën fitore prej tij. Nuk e di si mendohet sot, kur nuk pranohet pakt për ndarjen e pushtetit partiak me grupet konkurente. Mendojnë se kjo PD i mjafton vetvetes? Del forcë e parë edhe pa këta të tjerët, pa aleanca me grupet diverse kundruall linjës zyrtare? Në ketë shtrat lypset shtruar veprimi politik. Që t’i paraprijmë diskutimit mbi mua si person, po them se nuk më intereson as nuk sfidoj askënd. Ama ia kam pak dertin kësaj partie e nuk dua ta shoh tek çthuret. Me vjen edhe inat, ngaqë kapacitetet i ka./Indrid VOKSHI





Lajmet e fundit nga