web counter
LEXO PA REKLAMA!

SHKARKO APP

App Store
Google Play

E fundit!

x

Përfundon rruga e Oxhakut/ Veliaj: Apel qytetarëve të mirëmbajnë investimet

21 Shtator 2017, 11:49, Aktualitet CNA

Kryetari i Bashkisë së Tiranës, Erion Veliaj ka inspektuar sot punimet e realizuara për rikonstruksionin e plotë të Rr. ?Imer Ndregjoni?, ose siç njihet ndryshe rruga e ?Oxhakut?, që lidh Njësinë 3 me rrugën kryesore të Njësisë 4.

Kryebashkiaku Veliaj është shprehur se  dhjetë mijë banorët e zonës së ?Oxhakut? në Njësinë 4 kanë një rrugë të re, me infrastrukturë nëntokësore, ndriçim dhe gjelbërim.

Veliaj theksoi se falë këtij projekti i është dhënë fund problematikës që ajo shkaktonte te banorët dhe drejtuesit e automjeteve.

Ai u bëri apel qytetarëve që të mirëmbajnë investimet që bënë Bashkia e Tiranës, pasi vetëm kështu krijohet mundësia që të vijohet me të tjera projekte që i vijnë në ndihmë komunitetit.

?Duke filluar nga Bregu i Lumit që është një ekstrem i njësisë 4, në kufi me Kamzën ku u hap shkolla ?Ardian Klosi? dhe gjithë kompleksi atje me 18 rrugë dhe deri këtu ku fillon rruga, që është në zemër të Tiranës, kemi punuar me të njëjtën cilësi. Ndaj i ftoj të gjithë banorët që ta mirëmbajmë, të kujdesemi. Qyteti nuk është vetëm infrastrukturë, qyteti është edhe kulturë kështu që tani stafeta i kalon banorëve që ta ruajmë me të njëjtin seriozitet investimin me të cilin u bë?, tha Veliaj./ CityNews





Lajmet e fundit nga