web counter
LEXO PA REKLAMA!

SHKARKO APP

App Store
Google Play

E fundit!

x

Xhafaj pret Ambasadoren e Holandës: Vetingu do të rrisë besimin e qytetarëve

21 Shtator 2017, 11:29, Aktualitet CNA

Ambasadorja e Holandës në vendin tonë, Dewi van de Weerd është pritur në një takim sot nga ministri i Brendshëm, Fatmir Xhafaj. Në këtë takim ambasadorja Dewi van de Weerd shoqërohej nga oficeri i kontaktit pranë misionit.

Zoti Xhafaj e njohu Ambasadoren me prioritetet e Ministrisë së Brendshme në këtë mandat qeverisës, ku nënvizoi procesin e Vetting-ut në Polici, luftën kundër drogës, krimit të organizuar dhe parandalimin e azilkërkimit.

Ministri e njohu diplomaten me një sërë masash në forcimin e regjimit kufitar. ?Një tjetër masë, shtoi ministri, do të jetë forcimi i kapaciteteve njerëzore dhe niveli profesional në Pikat kufitare?.

Ambasadorja vlerësoi punën e kryer si dhe marrëdhëniet shumë të mira mes policive në të dy vendet. Gjithashtu ajo u shpreh e gatshme për të mbështetur prioritetet e reja të Ministrisë së Brendshme, përmes asistencës teknike dhe logjistike.

Ambasadorja shprehu besimin për thellimin e bashkëpunimit mes dy vendeve në të ardhmen. Ajo pohoi se ka vërejtur masat e ndërmarra nga Policia e Shtetit për frenimin e fenomenit të azilkërkimit.

Bashkëbiseduesit ranë dakord për të thelluar bashkëpunimin në luftën kundër krimit të organizuar, përmes intesifikimit të shkëmbimit të informacionit.

Ambasadorja u shpreh e bindur se Vetting-u në Policinë e Shtetit do të rrisë besimin e qytetarëve./ CityNews





Lajmet e fundit nga