web counter
LEXO PA REKLAMA!

SHKARKO APP

App Store
Google Play

Aksioni për mjedisin/ Gjoba subjekteve që gjenerojnë mbetje spitalore

21 Shtator 2017, 09:42, Aktualitet CNA

Një operacion kontrolli në të gjitha subjektet që gjenerojnë mbetje spitalore ka nisur nga Inspektoriati i Mjedisit në Elbasan, ku theksohet se për rastet ku konstatohen shkelje  do të merren masa me gjobë.  Sipas Inspektoriatit të Mjedisit në fokus do të jenë laboratorët e analizave, klinikat dentare apo edhe farmacitë.

Inspektorati i Mjedisit, pranë Bashkisë së Elbasanit në bashkëpunim me Agjencinë Rajonale të Mjedisit ka nisur aksionin ndaj të gjitha subjekteve që gjenerojnë mbetje spitalore, vajore dhe hidrokarbure, mbetje inerte dhe shtazore të cilat jo vetëm ndotin mjedisin, por rrezikojnë seriozisht dhe shëndetin e qytetarëve.

Kundrejt çdo subjekti, i cili do të rezultojë kundravajtës, do të merren masa sipas vendimit 34 të Këshillit Bashkiak.

Taulant Sinanaj: Faza e parë që ka filluar dje është për mbetjet spitalore. Vetëm ditën e djeshme ne kemi kontrolluar 16 subjekte që janë laboratorë mjekësore, edhe ato gjenerojnë mbetje spitalore, për trajtimin e këtyre mbetjeve, ndarjen në burim, asgjesimin etj. Ne do të vazhdojmë me këtë operacion, në rast shkeljesh sidomos për mbetjet spitalore do të jemi shumë të kujdesshëm në rast shkeljesh, nuk bëhet fjalë vetëm për gjoba por do ta çojmë dhe për ndjekje penale.

Bashkia e Elbasanit kërkon mirëkuptimin dhe bashkëpunimin e çdo subjekti për të respektuar mjedisin.

Mbetjet spitalore, hidrokarbure dhe ato shtazore mund të bëhen shkak për epidemi dhe paraqesin rrezikshmëri për shëndetin e qytetarëve.

Në fokus të kontrolleve do të jenë edhe farmacitë, laboratorët e analizave, klinikat dentare./ CityNews





Lajmet e fundit nga