web counter
LEXO PA REKLAMA!

SHKARKO APP

App Store
Google Play

E fundit!

x

Radarët e fikur/ Rama: Deklarata e ministrit Xhafaj ka një nonsens

21 Shtator 2017, 10:09, Aktualitet CNA

Nëpërmjet një statusi në rrjetet sociale, nënkryetari i LSI-së, Petrit Vasili ka reaguar për çështjen e mosfunksionimit të radarëve në det.

Këtë shqetësim e kishte ngritur më herët edhe Drejtori i Përgjithshëm i Policisë, Haki Çako në një letër drejtuar Ministrisë së Mbrojtjes, gjë e cila u mohua nga kjo e fundit.

Ndërkohë Luan Rama duke folur për një trinitet me krimin, i tregon rrugën që duhet të ndjekë ministri i Brendshëm, Fatmir Xhafaj për të adresuar këtë çështje.

STATUSI I PLOTË:
Radarët të fikur,
trafikantët në punë,
shteti fle gjumë!?
Megjithëse po bëhet një muaj që prej denoncimit publik të faktit se sistemi i radarëve të vëzhgimit të hapësirës tonë detare nuk funksionon, ç?ka ka çuar, sipas Drejtorit të Përgjithshëm të Policisë Haki Çako në dështimin e operacioneve të Policisë së Shtetit për bllokimin e trafikimit të drogës përmes detit, ende nuk ka një reagim zyrtar e të përgjegjshëm nga Prokuroria në lidhje me këtë çështje!
Radarët të fikur, trafikantë në punë, shteti fle gjumë!
E në përpjekje për ta ?prishur? këtë trinitet kriminal, Ministri i Brendshëm Fatmir Xhafaj u shpreh para disa ditësh: ?garantoj se do të nisë një proces investigimi për këtë çështje!?
Pa e vënë në dyshim as vullnetin dhe as vendosmërinë e zotit ministër, deklarata e tij ka një nonsens, sepse nuk mund ta nisë ai hetimin e kësaj çështjeje, pasi nuk ka asnjë tagër ligjor! Përveç kësaj, për sa kohë dimë që pas shqetësimit të Drejtorit të Përgjithshëm të Policisë së Shtetit, pati një reagim nga ana e Ministrisë së Mbrojtjes që hidhte poshtë pretendimet e tij, presupozohet që edhe vetë Policia e Shtetit të jetë subjekt nën hetim po aq sa QNOD-ja dhe vetë Ministria e Mbrojtjes.
Organi i vetëm që mund të investigojë e të hetojë sipas ligjit është Prokuroria, jo Ministria e Brendëshme, aq më tepër po të kemi parasyshë që QNOD-ja ku është Sistemi i Integruar i Vëzhgimit të Hapësirës Detare është nën autoritetin e Ministrisë së Mbrojtjes!
Një gjë është e qartë: ka mungesë të bashkëveprimit ndëroperacional midis dy ministrive, gjë që ka çuar në krijimin e kushteve të favorshme për ushtrimin e veprimtarisë kriminale të trafikut të lëndëve narkotike!
Këtu duhet të investohet Prokuroria!
Në fakt duhej të ishte investuar që në çastin kur u bë publik shqetësimi i Drejtorit të Përgjithshëm të Policisë së Shtetit! Por, meqenëse nuk ka asnjë lajm nga Prokuroria se ka nisur qoftë edhe kryesisht hetimin e këtij skandali me pasoja kriminale, Ministri i Brendshëm mund ta zgjojë Prokurorinë, duke e denoncuar çështjen zyrtarisht në organin e akuzës!/ CityNews





Lajmet e fundit nga