web counter
LEXO PA REKLAMA!

SHKARKO APP

App Store
Google Play

E fundit!

x

Sulmi ndaj makinës së zv.drejtorit të policisë vë në lëvizje Haki Çakon

21 Shtator 2017, 10:20, Aktualitet CNA

Incidenti i ndodhur dy ditë më parë, ku një automjet i blinduar sulmoi makinën e zv/drejtorit të policisë, ka vënë në lëvizje Drejtorin e Përgjithshëm të Policisë së Shtetit, Haki Çako.

Çako ka nisur një mbledhje urgjente me drejtuesit e policisë në Qarkun e Elbasanit, ku në axhendën e takimit të Çakos do të jenë dhe operacionet e kontrollit sidomos për kultivimin e kanabisit dhe të goditjes së pasurive të krimit.

Tre ditë më parë policia ka sekuestruar 7 automjete, tre prej tyre të blinduara dhe një armë zjarri sportive.

Ndër mjetet e sekuestruar Efektivët bllokuan një automjet luksoz me një vlerë rreth 100.000 Euro, ndërsa drejtuesit iu kërkua që të shoqërohej për verifikim të dokumentacionit.

Në momentin që mjeti po shoqërohej nga grupi Shqiponjat dhe nga një Patrullë Policie, një mjet tip ?Audi? kalon me shpejtësi duke rrezikuar jetën e punonjësve të policisë dhe godet mjetin e Policisë.

Në lidhje me ngjarjen e tre ditëve më parë policia bëri të ditur se Automjeti rezultoi në pronësi të biznesmenit të njohur nga Elbasani, Petrit Çela.

Menjëherë pas kësaj ngjarje, policia arrestoi Ledio Zabelin, 26 vjeç dhe Kelmend Xhaferri, 35 vjeç, ku ky i fundit drejtonte mjetin që u ndalua fillimisht për kontroll, ndërsa Zabeli ishte pasagjer.

Ndërkaq, biznesmeni Çela mohoi të jetë i përfshirë në ngjarje dhe se nuk është në kërkim por se është shoqëruar në polici për të dhënë shpjegime./ CityNews





Lajmet e fundit nga