web counter
LEXO PA REKLAMA!

SHKARKO APP

App Store
Google Play

Kremlini sulmon aktorin Morgan Freeman

21 Shtator 2017, 13:18, Aktualitet CNA

Aktori amerikan, Morgan Freeman është kritikuar nga zëdhënësi i Kremlinit, Dmitry Peskov  për një video që ai e ka bërë për një organizatë jofitimprurëse në SHBA.

Në këtë video, që është lëshuar më 19 shtator nga Komiteti për Hetimin e Rusisë, Freeman thotë se SHBA është ?në luftë? me Rusinë dhe bën thirrje për të hetuar ndërhyrjen e dyshuar të Moskës në zgjedhjet presidenciale në SHBA, më 2016.

Duke folur në Moskë, Peskov tha se Kremlini nuk e merr seriozisht videon e Freemanit.

Ai tha se Kremlini nuk e konsideron atë si kërcënuese, por më pas bëri sulme personale mbi aktorin, duke e quajtur ?viktimë të tensionit emocional?.

Peskov tha se Freeman ?nuk i ka informacionet e vërteta për gjendjen reale të gjërave?.

Presidenti i Rusisë, Vladimir Putin, ka përkrahur në mënyrë selektive njerëzit e famshëm, duke u dhënë shtetësi ruse artistëve dhe sportistëve perëndimorë, të cilët kanë mbështetur publikisht agjendën e politikës së jashtme të Kremlinit.

Në nëntor, Putin personalisht i ka dhënë pasaportën ruse aktorit amerikan Steven Seagal, pasi ky i fundit e ka cilësuar presidentin rus si një nga ?liderët më të mëdhenj të botës?./ CityNews





Lajmet e fundit nga