LEXO PA REKLAMA!

SHKARKO APP

E fundit!

x

(Fjala e plotë) Malko drejton gishtin nga Basha/ Prano disfatën e gjej 3 tradhëtarët

21 Shtator 2017, 20:16, Aktualitet CNA

Anëtari i kryesisë së Partisë Demokratike Gent Malko ka drejtuar gishtin e përgjegjësisë së humbjes së madhe të PD-së nga kreu i kësaj force politike Lulzim Basha.

Malko i ka bërë apel Bashës të pranojë disfatën e rëndë të pësuar në zgjedhje si dhe të gjejë 3 tradhëtarët brenda grupit.

?I keni 3 tradhëtarë në grup parlamentar. Do të kishte më e ndershme të kishit thënë që 3 veta më tradhtuan mua kryetarin më ikën. Hajde t?i gjejmë duhet të kishit thënë. Kush janë tradhëtarët brenda PD-së??,- i tha Malko Bashës, duke shtuar: ?Neve na thatë na vodhën votën. Duhet ta pranoni atë që ka ndodhur dhe procesi i autoreflektimit nuk nis pa këtë pranim. Unë do të isha i pari që do tërhiqesha nga kritikat që me herën e parë nëse pranohet gabimi dhe ajo që ka ndodhur?.

Më tej Malko shprehu dyshimin mbi ndryshimet e statutit:

?Sado të shkolluar apo të pashkolluar të jenë demokratët duhet theksuar se inteligjenca e tyre nuk gabon apo instinkti i tyre. E kuptojnë kur i gënjejnë. Dhe është kaq e perceptuar sa nuk e keni idenë. Pra po të bëhej një analizë ashtu siç ishte perceptuar në fillim të ishte bërë procesi i analizës, kishte prodhuar një rezultat të denjë dhe do kishim ezauruar fazën e parë për të vendosur marrëdhënien e besimit me elektoratin dhe njëri-tjetrin që nuk e kemi.  E dyta dua të bëj një pyetje: Ç?nënkuptoni me ndryshime dhe konsultime statutore?Pra konsultimet për ndryshimet statutore ku të çojnë? Unë nuk e kuptoj këtë? Duket më tepër si propagandë sesa si një ndryshim real që pritet të ndodhë.

Statuti që ka drejtuar për vite PD-në tashmë ka përfunduar për faqe të zezë. Askush s?është më përgjegjës se ju në respektimin e normave të këtij statuti. Por gjithsesi edhe në rast ndryshimi, kush na i garanton respektimin dhe zbatimin e tij??,- tha Malko.  /Citynews

Lajmet e fundit nga