E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Bushati-Kotzias dhe 4-vjeçari i “shkrirjes”

21 Shtator 2017, 18:45, Aktualitet CNA

Ditmir Bushati i konfirmuar në pozicionin e ministrit të Jashtëm të Republikës së Shqipërisë dhe si ministër i Europës, publikoi këtë të mërkurë një foto nga takimet dhe axhenda e tij në Asamblenë e Përgjithshme të Kombeve të Bashkua.

Në dukje kjo foto ngjan si diçka normale, duke marrë parasysh takimet e një ministri të Jashtëm në një aktivitet të një rëndësie të tillë. Ajo që të bën përshtypje tek kjo foto është mesazhi që përcjell ajo.

Së pari për personin në foto dhe atë çfarë Kotzias përfaqëson, një shtet fqinj me Shqipërinë por me marrëdhënie të diskutueshme.

Së dyti për mënyrën si ishte fiksuar kjo foto, një takim tejet miqësor dhe i ngrohtë. Në fakt, për ata që janë të njohur me këto çështje nuk mund të mos e kuptojë ndryshimin pozitiv që ka ndodhur në marrëdhëniet me Greqinë gjatë këtyre viteve.

Në mandatin e dytë të qeverisë së djathtë Shqipëria dhe Greqia kishin pak afërsi mes tyre, e shtyrë kjo nga disa zhvillime të asaj kohe. Kujtojmë vendimin e Gjykatës Kushtetuese për ?Detin? apo marrëveshjen për varret e ushtarëve grekë, e cila nuk u implementua. Me ardhjen në qeveri të së majtës, politika e ndjekur ishte krejt tjetër, tanimë kryefjalë e çdo takimi ishte nevoja e gjetjes së gjuhës së përbashkët larg retorikës shterpë.

Mbi këtë bazë, mes dy qeverive u punua për të pasur një ndërveprim intensiv në nivel ministrash, zv.ministrash dhe diplomatësh të lartë. Për herë të parë u ngrit komisioni i përbashkët i çështjeve konsullore, i cili adresoi një sërë problematikësh mes dy vendeve duke bërë pjesë të debatit publik çështje të mbetura pezull.

Qeveria shqiptare punoi intensivisht në zgjidhjen e këtyre çështjeve me hapa konkretë dhe cilësorë. Këto ditë në Kuvend është depozituar ligji ?Për Minoritet? dhe po ashtu burimet flasin se Greqia është në prag të vendimit për heqjen e rezervës për vulen apostile, sipas të drejtës europiane.

Kjo përkthehet në procedura burokratike të limituara dhe më me pak kosto financiare për bashkatdhetarët tanë. Nevoja për të gjetur gjuhën e përbashkët, bazuar në një marrëveshje të drejtë i ka çuar dy homologët e diplomacisë

Bushati-Kotzias që të diskutojnë hapur mbi çështje të rëndësishme mes dy vendeve tona.

E natyrisht këtë marrëdhënie e ?përligj? më së miri kjo foto nga New Yorku./Defrim Hyseni