E fundit!

10:40 Aktualitet

Vrasja e efektivit/ Mbahen homazhet në nder të tij

Këtë të premte po mbahen homazhet në Korçë në nderim të ef...

(Ekskluzive) Apeli i doktoreshës italiane për shqiptarët/ Na ndihmoni të shërojmë fëmijët me tumore

21 Shtator 2017, 16:28, Aktualitet CNA

Rasti i vogëlushit Charlie në Britaninë e Madhe ka rikthyer në vëmendjen e shëndetësisë kudo në botë, temën e dhimbjes së fëmijëve të prekur nga sëmundje të rralla ose shumë të rralla, siç janë për fat të keq tumoret.

Në spitalin Gaslini të Genoas luftohet çdo ditë për të kërkuar metoda të reja që pakësojnë vuajtjet e vogëlushëve të sëmurë.

Objektivi i mjekëve të këtij spitali është blerja e një aparati për të zhvilluar metodën scrambler të terapisë e destinuar për fëmijët e prekur nga dhimbje kronike neuropatike mes të cilave edhe ata me tumore.

Doktoresha Ornella Bellagamba ka bërë me dije fillimisht për mediat italiane mënyrën se si veprohet për t?u ardhur në ndihmë fëmijëve të prekur nga këto sëmundje të rralla.

?Duam të bëjmë me dije një zhvillim të fundit, se ekziston një metodë e re trajtimi e trajtimit të dhimbjeve neuropatike. Kjo quhet metoda ?scrambler?. Bëhet fjalë për një makineri shumë të nevojshme, por edhe të kushtueshme. Me ndihmën e shumë njerëzve shpresojmë ta vendosim në dispozicion të fëmijëve që kanë nevojë?,- ka thënë doktoresha e spitalit Gaslini në Genoa.

?Një instrument jo inavasiv e që kontrollon dhimbjen. Efekti i analgesisë në trajtim është e shpejtë: shërbejnë vetëm pak sekonda për të zhdukur tërësisht dhimbjen. Kjo metodë përdoret në ato raste kur fëmijëve nuk iu pushojnë dhimbjet për shkak të kurave normale.

Makina në fjalë ka një kosto prej 61.170.80 euro dhe gjendet ekskluzivisht vetëm në studio private të terapistëve që merren me dhimbjet.

Dërgimi i fondeve për spitalin në fjalë bëhet në faqen retedeldono.it

Pas këtij rasti dhe interesimit të Citynews doktoresha e spitalit Gaslini, Ornella Bellagamba ka falëndëruar Citynews për interesimin dhe ka treguar në detaje atë që ky projekt synon për t?u ardhur në ndihmë fëmijëve të sëmurë me tumore në mënyrë që ata të mos ndjejnë dhimbje në ato raste kur ilaçet nuk bëjnë efekt:

?Bëhet fjalë për një makinë që përdoret për një lloj specifik dhimbjeje te fëmijët e sëmurë, ajo e lidhur me nervat. Kjo pajisje tërheq dhimbjen shpejt dhe funksionon edhe në ato raste kur mjekimet nuk kanë funksionuar. Vlen veçanërisht për fëmijët me tumore që nuk mund të marrin shumë mjekime?,- tha doktoresha Ornella Bellagamba ekskluzivisht për Citynews.

Më tej doktoresha shprehu një falënderim të madh për ata shqiptarë që mund ta ndihmojnë spitalin me këtë projekt për t?u ardhur në ndihmë fëmijëve të sëmurë:

?Më prek jashtëzakonisht shumë fakti që në Shqipëri mendohet për të ndihmuar fëmijët tanë italianë dhe për interesin që ju keni shfaqur?- shtoi doktoresha.

?Nuk mund të ofroj një numër llogarie tani, por vetëm një adresë interneti: www.retedeldono.it->Gaslini onlus->progetto?,-përfundon doktoresha duke shtuar se është mirënjohëse për çdo ndihmë dhe fond që mund të shkojë nga Shqipëria apo çdo vend tjetër i mundshëm?,- tha doktoresha Bellagamba.

Në spitalin Gaslini të Genoas kurohen edhe fëmijë shqiptarë me sëmundje të rralla, të cilave spitali përpiqet t?i kurojë për t?u siguruar një të ardhme si të gjithë fëmijët e tjerë.

Për të gjithë ata që mund të kontribuojnë për fëmijët e sëmurë klikoni këtu:

www.retedeldono.it->Gaslini onlus->progetto

Elton Dono për Citynews