web counter
LEXO PA REKLAMA!

SHKARKO APP

App Store
Google Play

Mesazhi denoncues dhe thirrja e prokurorit shqiptaro-amerikan Gjon Juncaj 

17 Shtator 2017, 17:58, Aktualitet CNA

Sistemi i Drejtësisë në Shqipëri është lënë të bjerë shumë poshtë, por duhet të bëhemi bashkë për t?ia dalë. Ky ka qenë mesazhi që ka përcjellë  për publikun shqiptar eksperti i OPDAT për reformën në drejtësi shqiptaro-amerikani Gjon Juncaj në aktivitetin ?TED EX Tirana?, me moton: ?E vërteta e zhveshur është gjithmonë më e mirë se çdo gënjeshtër e veshur bukur?.  

?Nëna ime ishte e fiksuar për drejtësinë. Ajo thoshte se, nëse bën diçka gabim, do të kesh probleme. Nuk kam parë asnjëherë kaq shumë njerëz viktima të pafajshëm të lënë të pambrojtur nga sistemi i drejtësisë se sa këtu në Shqipëri. Jam veçanërisht i turpëruar sepse nuk ka ndershmëri në sistemin e drejtësisë sepse është lënë të bjerë shumë poshtë?, ka thenë Juncaj.

Megjithatë, këshilltari juridik i ambasadës amerikane që ka qenë i angazhuar drejtpërsëdrejti me reformën në drejtësi thotë se ka shpresë por që në këtë betejë të vështirë duhet të jemi të gjithë bashkë.

?Por kam një ndjenjë që dua ta ndaj me ju, ajo është shpresa. Nuk mund t?ja dalim nëse nuk bëheni të gjithë bashkë. Duhet të kuptoni një gjë. Ju keni zë. Jeni shumë, ndërsa ata janë pak. Ka ardhur koha për të ndërtuar një vend për të cilin duhet të jeni krenarë,? tha Juncaj, i cituar nga Klan.

Juristi Juncaj familja e të cilit është me origjinë nga Malësia e Madhe, shpreh shqetësim dhe për  largimin e shqiptarëve nga atdheu i tyre.

?Gjuha ime e parë është shqipja, flasim edhe në shtëpi. Shumë të rinj po braktisin shtëpitë e tyre për të gjetur alternativa të tjera. Dua të jem i ndershëm me ju. Jam i turpëruar për ata njerëz të pafytyrë, që kanë shkaktuar dhembje për njerëzit në disa sektorë, si në kujdesin shëndetësor dhe në atë të edukimit. Njerëzit kanë nevojë të shkollohen, pavarësisht kush janë?, tha Juncaj, i cili ishte një nga dhjetë folësit e eventit të që përcolli ide  dhe mesazhe frymëzuese  për publikun duke rrëfyer nga një histori të tyre./CityNews





Lajmet e fundit nga