Ekskluzive/ Ambasadori Sulo gënjen për fatin e marinarëve shqiptarë në Libi

17 Shtator 2017, 14:49, Aktualitet CNA

Pasi Citynews.al dha alarmin për fatin e pesë marinarëve shqiptarë pengje në Libi (linku: http://www.citynews.al/2017/09/ekskluzive-merret-peng-anija-shqiptare-ne-libi-jeta-e-5-marinareve-ne-rrezik/1 ) dhe pasi lideri i opozitës Berisha nëpërmjet ?qytetarit digjital? sensibilizoi opinionin publik, u kujtua të reagonte edhe ministrija e jonë hëm e Europës hëm e punëve të jashtme. Reagimi ishte me fraza të përgjithshme të tipit nuk është ankuar askush për 5 shqiptarët e ngratë në Libi, apo e mësuam nga mediat etj. Ambasadori ynë në Egjipt dhe jo resident në Libi z. Sulo reagoi më së fundi për përpjekjet e ambasadës, që ai drejton, për tu kujdesur për fatin e marinarëve shqiptarënë Libi.

Reagimi i ambasador Sulos vende vende ishte i tipit mashtrues-qetësues dhe vende vende ishte mbushur me gënjeshtra flagrante. Z. Sulo deklaroi se ka marre informacion që autoritetet kanë marrë në mbrojtje marinarët dhe anijen. Cilët autoritete more z. Sulo? Në Libi ka 3 qeveri (e Tobruku nën mbrojtjen e gjen. Haftar, e Serrajit ne Tripoli (ne bazën ushtarako detare te Tarabullusit për të qenë më i saktë) dhe qeveria e ish kryeministrit Khalifa Gwell e përkrahur nga milicia e qytetit të Mizuratës). Tani nga këto tri qeveritë cila na e paska siguruar ambasador mavrinë se ka marrë në mbrojtje marinarët dhe anijen?!?!?

Ambasadori Sulo thotë: ?Nga kontaktet, që kam pasur me ambasadën në Libi kam mësuar se anija pretendohet?.? O z. Ambasador, që je dhe jo resident në Libi, cfarë dreqi ambasade ke kontaktuar ti në Libi, kur Shqipëria nuk ka në territorin libian jo vetëm ambasadë, por as konsullatë nderi, madje nuk ka pasur as në kohën e Dullës! Mos gënje kaq trashë ore z. Ambasador! Në Tarabullus vetëm një vend europian (i BE-së, i NATO-s ka ambasadë) është Italia, që e rihapi nga halli i klandestinëve këtë vit. Edhe Turqia që në janar 2017 e gjysëm hapi ambasadën në Tripoli me ambasador Ahmed Dogan-in tani thuajse e ka mbyllur!

1.Ambasador deklaroi: ?Anija është rikthyer në Portin e Tripolit, pasi po largohej drejt Maltës? Z. Ambasador mos ia fusni si kau pelës! Anija Envi 1 nuk ka qenë në Portin e Tripolit, kështu që nuk mund të kthehej atje. Anija ka marrë ngarkesë në Portin e Zawya-s dhe po lundronte normalisht drejt destinacionit të vet Portit Marshaslok në Maltë, kur u ndalua nga Roja Bregdetare Libiane (ajo që paguhet nga fondet e zeza të shërbimit sekret italian, jo roja bregdetare në hyqmin e gjen. Haftar-it). Pasi u krye abordimi i anijes, ajo u devijua drejt Porti të Zuwraha-s, i cili është nja 50 milje detare larg nga Porti i Tripolit, thuajse sa është larg Durresi nga Shëngjini.

Profkat e ambasadorit tonë në Egjipt, që paguhet me paratë e taksapaguesve shqiptarë, mund të mashtrojnë delet shqiptare, por nuk e sigurojnë dot jetën e marinarëve shqiptarë. Në Zuwraha e rrethina është përhapur fjala, që në anije ka të krishterë, që kanë vjedhur pasuritë e popullit libian, kështu që realisht jeta e anëtarëve të ekujpazhit të krishterë e myslymanë, malazezë e shqiptarë është në rrezik! Familjarët të japin alarmin e të përpiqen vetë, se po qe për qeverinë tonë (Larg qoftë!!!!!!!!!!!) 5 shqiptarët e anijes “Envi 1” do përfundojnë si ai peshkatari i mjerë durrsak, që u zhduk pa lënë gjurmë në Egjipt nga kolegu i vet peshkatar egjiptian. Delet e mjera t?i bëjnë derman vetes, se Kryeministri Edvin është shumë i zënë me sfidat globale të NATO-s dhe nuk ka kohë të merret me dava marinarësh shqiptarë. /Nga GJERGJ THANASI