E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

2 sulme me eksploziv brenda 10 ditëve/ Reagon kompania në Shijak: “Krim për shkak të konkurrencës”

17 Shtator 2017, 12:02, Aktualitet CNA

Për herë të dytë në harkun kohor të 10 ditëve firma Ecomedica shpk në Shijak e cila merret me përpunimin e mbetjeve spitalore, është bërë pre e sulmeve me eksploziv nga persona ende të panjohur.

Pas shpërthimit te klinika dentare javën e kaluar, këtë herë, eksplozivi i është vendosur në derën e një magazine, që shfrytëzohet nga pronari i firmës Arlind Lala për grumbullimin e mbetjeve spitalore.

Magazina, vendi ku shpërtheu eksplozivi, ishte marrë me qira dhe përdorej për depozitimin e mbetjeve spitalore. Fatmirësisht, nga shpërthimi nuk pati të lënduar, por vetëm dëme materiale.

Pas këtyre ngjarjeve të rënda ka reaguar vetë firma Ecomedica shpk e cila sqaron klientët e saj, banorët e Shijakut por dhe qytetarët shqiptarë se në harkun e 10 ditëve është bërë pre e 2 sulmeve me lënde plasëse dhe një sulmi të koordinuar shpifjesh me qëllim mbylljen e aktivitetit të saj të përpunimit të mbetjeve spitalore.

?Fillimisht duam të sqarojmë se

Ne jemi të bindur që mbrapa kësaj fushate kriminale shpifjesh se gjoja Ecomedica djeg mbetje njerëzore dhe kafshësh, dhe pengimi të aktivitetit nëpërmjet terrorit të tritolit qëndron konkurrenca tregtare me qëllim pengimin e një aktiviteti të sapokrijuar i cili plotëson të gjitha standardet mjedisore në përputhje me normat e BE-së. Nuk është e rastit që pothuajse të gjithë subjektet që operojnë në këtë fushë janë përballur me krime në fushën kundër pronës dhe pengim aktiviteti.

Së fundmi duam të qetësojmë të gjithë klientët tanë por dhe të gjithë qytetarët Shqiptare që Ecomedica nën moton e saj “për një Shqipëri Ekologjike” do të vazhdojë aktivitetin e saj që ka për qëllim kryesor mbrojtjen e mjedisit, në një territor të licensuar kohë më parë për depozitim dhe përpunim të mbetjeve spitalore dhe do të kryej këtë proces në përputhje me të gjithë legjislacionin në fuqi dhe në harmoni me mjedisin.

I bëjmë thirrje Prokurorisë së Shtetit dhe Policisë së Shtetit të bëjnë maksimumin për të zbardhur të vërtetën e këtyre ngjarjeve kriminale që përpiqen të dekurajojnë investimet e ndershme nëpermjet terrorit.?,- bën me dije firma Ecomedica. /Citynews