Kolegu i Gridës/ Berisha apo deputetët e Lulit

17 Shtator 2017, 17:04, Aktualitet CNA

Ylli në shkëlqim i Partisë Demokratike, produkti i rekomanduar nga Luli tek Berisha, më pas e mbështetur nga Çili tek Luli, sot është kolege e Sali Berishës, flet sikur të ishte e barabartë mes të barabartëve në veçanti me liderin historik dhe ish kryetarin e PD-së zotin Berisha.

Në një intervistë në ?News 24? tek Nasida Tufa, produkti i Çilit e mbështetur dikur nga bankieri i ndjerë Artan Santo, tha se nuk komentonte deklaratat e kolegëve kur gazetarja e pyeti për qëndrimet dhe kritikat e Sali Berishës në emisionin ?Fakt? të gazetarit Çim Peka.

Grida tha atë që e mendon se e shpëton nga një qëndrim i vërtetë politik, për t?u shmangur tentoi të rrëshkiste, a thua se politika është një shtrat ku mund të kthehesh majtas e djathtas, pa menduar se kë ke në krahe dhe kush të sheh.

Zëdhënëse e grupit parlamentar, sekretare e Marrdhënieve me Publikun në PD, ajo sëbashku me një klloun të Lulzim Bashës deklaruan se votat në Parlament në votimin e Gramoz Ruçit u manipuluan.

Pas reagimit të ashpër të strukturave të PD-së ndërhyri lideri historik i Partisë Demokratike, Sali Berisha, i cili vuri pikat mbi i, duke ndalur Gridën dhe kllounin e Lulit në marrëzinë e tyre politike të urdhëruar nga familjarët e Lulzim Bashës. Berisha kërkoi që të mos kishte më qëndrime politike pa marrë mendimin e grupit, të mos kishte qëndrime të papërgjegjshme në opinionin publik.

Por, të urdhëruar nga Luli, Grida dhe shoqëruesi i saj qesharak, tashmë i zgjedhur deputet nga Lulzim Basha kundërshtuan dhe u përplasën ashpër me Berishën. Aq të turpshëm dhe të neveritshëm ishin sa u detyrua të hynte Aldo Bumçi, i mërzitur nga sjellja arrogante, mungesa e etikës dhe egoizmi shfenues i Dumës & CO.

Berisha është ?peshkaqen? në politikë dhe kuptohet Gridërat, Ervinërat janë peshq të lehtë për të, por i ndodhur i vetëm kurrsesi nuk e mendonte se kishte përballë disa grabitqarë të vegjël, për të cilët janë turmë. Në fakt mund të themi se Berisha i meriton dhe për ata që nuk e duan mjaftojnë ta shikojnë se kë ka rreth e rrotull në grupin parlamentar të PD-së dhe me kë do të duhet të debatojë. Kaq mjafton

Grida Duma pas një debati e quajti Berishën koleg, në fakt zonja Shqina ka të drejtë, ish-kryeministri, ish-presidenti, është thjesht kolegu i Gridës, fatkeqësi që Sali Berisha e meriton më shumë se çdo kush tjetër, por kjo nuk mund të jetë kaq e neveritshme dhe PD-ja nuk mund të katandiset në disa palopersonazhe politikë që nuk njohin respekt, historinë dhe mohojnë vlerat e një force politike.

Për Gridën, Berisha është kolegu i saj dhe Grida ka të drejtë sepse Berisha zgjodhi Lulzim Bashën në krye të PD-së dhe Lulzimi po e shpërblen me “kolegë” si Grida, Ervini, cuni i Fariut, Agron Shehaj etj. Doktori mund të ketë një mijë e një mëkate, një mijë e një të mira, por vetëm një gjë nuk e ka dhe nuk do ta ketë kurrë, pavarësisht gjithçkaje Sali Berisha nuk ka për të qenë asnjëherë në jetën e tij kolegu i Gridës, edhe pse Grida ndoshta e dëshiron shumë. Grida, koleg ka ata që përmendëm më sipër të cilët i përzgjedh Luli për t?ia vendosur Berishës në krah dhënë shpërblimin që lideri historik i PD-së meriton me mbështetjen e Lulzim Bashës në krye të PD-së. /CityNews