web counter
LEXO PA REKLAMA!

SHKARKO APP

App Store
Google Play

E fundit!

x

Video- Krimineli më i famshëm shqiptar bën gjestin e paimagjinueshëm!

4 Shtator 2017, 20:07, Aktualitet CNA

Ai është një ndër shqiptarët më të rrezikshëm, por kjo nuk e ka penguar të bëjë një gjest tepër human. Alket Rizai do të mbahet mend për tentativën për t’u arratisur me helikopter nga burgu i sigurisë së lartë në Koridhalo të Greqisë, por tani edhe për gjestin e bamirësisë.

Shqiptari i njohur jo pak për bamat e tij në shtetin helen i është përgjigjur thirrjes për ndihmë të familjes së një vajze 8 vjeçare nga Kreta, Evangelia Kastrinakis e cila vuante nga kanceri dhe duhet të kurohej.

Pas thirrjes së familjes së saj për ndihmë financiare për ta çuar vogëlushen në një qendër të posaçme në Londër, mijëra ishin ata që u sensibilizuan, përfshi këtu edhe shqiptarin Alket Rizai.

Vogëlushja do t?i nënshtrohet një operacioni shumë të kushtueshëm e të vështirë në Londër, ku u nis sot, mundësuar nga donacionet e shumë personave të prekur nga historia e saj e dhimbshme.

Gjyshi i vajzës së vogël, George Kastrinakis ka deklaruar se midis atyre që kanë dhënë para për kurimin është edhe Alket Rizai me shokët e tij të burgut.

Gjykata greke e Lamias e ka dënuar më 21 tetor 2016, Alket Rizain me 10 vite e 8 muaj burg për akuzën e mbajtjes peng të 5 zyrtarëve të Burgut të Malandrinos, në Fokidha të Greqisë qendrore, më 17 mars të vitit 2013, bashkë me dy bashkëpunëtorë të tij me qëllim që të arratiseshin.

Në gjyqin e zhvilluar në Lamia, Rizai, i njohur në Greqi për arratisjet e tij të bujshme, sidomos ajo me helikopter nga Burgu i Korridhalosë, ka pohuar para trupit gjykues se nuk kishin ndërmend që të plagosnin apo vrisnin punonjësit e burgut që morën peng, ndërsa ka thënë gjithashtu se ka qenë nën efektin e lëndëve narkotike, që po i konsumonte për herë të parë.





Lajmet e fundit nga