web counter
LEXO PA REKLAMA!

SHKARKO APP

App Store
Google Play

E fundit!

x

Një tjetër rekord i zi i Ramës/Fundoset Shqipëria!

4 Shtator 2017, 17:22, Aktualitet CNA

Ish-kryeministri Sali Berisha ka folur për një tjetër rekord të zi të kryeministrit Edi Rama.

Berisha i referohet raportit të Agjencisë Evropiane të Mjedisit, që e shpallte Shqipërinë vendin e ujërave bregdetare më të pista në Evropë.

Statusi i plotë:

Nje rekord tjeter i zi i Norieges!
Ujerat e zeza te Sarandes, Durresit etj, fundosin Shqiperine ne vendin me plazhet me te pista ne Europe!
Te dashur miq, Agjensia Europiane e Mjedisit, ne raportin e saj te botuar sot nga mediat, shpall Shqiperine me vendin e ujerave bregdetare me te pista ne Europe!
Kete çmim turperues ja dhane Shqiperise derdhja e ujerave te zeza ne det nga qytetet tona bregdetare si Saranda, Durresi, Vlora, Ksamili etj, gje qe detyroi te largohen nga vendi qindra dhe mijra turiste qe kishin ardhur apo do vinin per te kaluar pushimet ne Shqiperi. Po shtoj ketu se nga 13 impiante te perpunimit te ujerave te zeza funksionojne vetem dy, sepse te tjerat bashkite nuk i perdorin pasi nuk duan te paguajne energjine elektrike per funksionimin e tyre.
Kurse Impianti i perpunimit te ujerave te zeza te Tiranes, qe ndertohet me nje projekt dhe kredi japoneze, te siguruar nga qeveria e mepareshme, prej 120 milione dollaresh, ndonse eshte inaguruar fillimi i punimeve qe ne vitin 2014 dhe duhet te kishte perfunduar, eshte ne vendnumero njelloj si projektet tjera!
Ky rekord i zi i botuar nga agjensia me prestigjoze e BE per mjedisin eshte nje standart turperimi qe nuk ka ekzistuar kurre me pare dhe nje goditje e rende per turizmin ne Shqiperi dhe reputacionin e vendit ne teresi! sb
Ketu me poshte keni nje paraqitje te gjere nga mediat te raportit ne fjale
Raporti i Agjencisë Europiane të Mjedisit: Shqipëria me plazhet më të ndotura në Europë
12:41, 04/09/2017
Shqipëria renditet e fundit ndër 28 vendet anëtare të Bashkimit Europian. Vetëm 35% e plazheve janë vlerësuar në raportin e fundit të EEA me cilësi të ujërave të shkëlqyer, 20% vlerësohen se kanë një cilësi të mirë të ujit, ndërsa 5% kanë cilësi të mjaftueshme.
Në 2016-n Agjencia Europiane e Mjedisit (EEA) ka monitoruar 21,667 plazhe në Europë, prej të cilëve 21,344 janë pjesë 28 vendeve anëtare të Bashkimit Europian. Ndër të tjera, pjesë të monitorimit ishin Shqipëria dhe Zvicra për të cilat u raportua cilësia e ujit për 323 plazhe.
Në Shqipëri janë monitoruar 92 plazhe, prej të cilëve kampionet e marra kanë treguar se 56 prej tyre kanë cilësi të mjaftueshme, ndërsa 18 kanë një cilësi jo të kënaqshme.
Në 2016-n, 69% e plazheve ishin brigje bregdetare, ndërsa 31% e plazheve ishin të vendosura në lumenj dhe liqene.
Nga 2015 në 2016, 94 plazhe në Europë ndryshuan status nga ujë me cilësi të dobët në ujë me cilësi të mjaftueshme apo të mirë. Vendet me numrin më të lartë të plazheve ku cilësia e ujërave është përmirësuar nga i dobët në të mjaftueshëm janë Franca me 24 plazhe, Shqipëria me 16 plazhe dhe Mbretëri e Bashkuar me 13 plazhe.
Nën mbikëqyrjen e Direktivave të ujërave të Plazheve vlerësohet se 13 plazhe (apo 14% e totalit të vendeve ku mund të bëhet plazh) u klasifikuan me cilësi shumë të dobët. Në krahasim me 2015-ën ka pasur një përmirësim të dukshëm, pasi në atë vit vendet me cilësi të dobët ishin 31 (apo 39% e totali).
Ujërat më të dobët në Europë
Bashkimi Europian dhe vendet anëtare kanë punuar në vite për të përmirësuar cilësinë e ujit. Sot, cilësia e ujit në Europë është shumë herë më e pastër se 40 vite më parë, ku sasi të mëdha të ujit të pa trajtuar apo pjesërisht të trajtuar dhe ujit industrial derdheshin në këto plazhe.
Përqindje të lartë të plazheve më cilësi të dobët të ujit ka Irlanda rreth 4% të plazheve, Mbretëria e Bashkuar rreth 3% dhe Sllovakia 3%. Në krahasim me 2012 numri (në vlerë absolute) i plazheve me cilësi të dobët ka rënë me 19 në Spanjë ( nga 58 në 39) dhe me 13 në Francë ( nga 95 në 2015 dhe bë 82 në 2016).
Përkeqësimi i cilësisë së ujërave të plazheve ka qenë më i lartë në Itali, ku cilësia e 22 plazheve ndryshoi nga mjaftueshëm në e dobët. Në Spanjë, në Francë, në Holandë dhe në Danimarkë,
cilësia ka përkeqësuar nga mjaftueshëm në të dobët./CityNews





Lajmet e fundit nga