web counter
LEXO PA REKLAMA!

SHKARKO APP

App Store
Google Play

Breshëri plumbash ndaj 3 personave/Ekstradohet nga Gjermania shqiptari i rrezikshëm (Emri)

28 Gusht 2017, 15:49, Aktualitet CNA

Një shqiptar është ekstraduar sot nga Gjermania, ku do të vuajë dënimin për vrasje në Tiranë. Bëhet fjalë për 29-vjeçarin B. B., i cili është dënuar me burgim të përjetshëm për vrasjen e një shtetasi dhe palgosjen e dy të tjerëve.

Ngjarja e rëndë ka ndodhur në qytetin e Durrësit, në vitin 2013, ku i riu ka qëlluar me armë zjarri ndaj viktimës dhe dy tjerëve, të cilët kanë qenë duke prerë dru për të pastruar vendin ku po ndërtohej një rrugë.

Njoftimi i plotë i policisë:

Si rezultat i bashkëpunimit të Interpol Tiranës me Interpol Wiesbaden, më datë 28.08.2017, u krye ekstradimi nga Frankfurti/Gjermani drejt vendit tonë, i shtetasit shqiptar B.B, vjeç 29, banues në Draç.
Shtetasi B.B, është shpallur në kërkim ndërkombëtar, pasi Gjykata e Rrethit Gjyqësor Durrës, me vendimin nr.910, datë 13.10.2015, e ka dënuar me burgim të përjetshëm, për kryerjen e veprave penale të ?Vrasjes në rrethana të tjera cilësuese mbetur në tentativë? dhe ?Mbajtja pa leje e armëve luftarake dhe municionit?, parashikuar nga nenet 79/dh, 22, 25 dhe 278/5 të Kodit Penal të Republikës së Shqipërisë.
Përmbledhje e ngjarjes së ndodhur:
Në datën 11.10.2013, rreth orës 09:20, në Rrotull, Ishëm, Durrës, shtetasi B. B, ka qëlluar me armë zjarri në drejtim të shtetasve A.B., F.B., dhe V.B., të cilët kanë qenë duke prerë dru për të pastruar vendin ku do të ndërtohej një rrugë. Për pasojë ka mbetur i vrarë shtetasi A.B., dhe janë plagosur dy shtetasit F.B., dhe V.B., (nënë e bir).
Ngjarja ka ndodhur pas një sherri për motive të dobëta ku njëra palë ka kundërshtuar prerjen e pishave.
Arrestimi i tij në Gjermani u bë me qëllim ekstradimi drejt vendit tonë./CityNews





Lajmet e fundit nga